Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Mariae Theresiae imperatricis et regis
233 tam et ex benigna Caesareo-Regia resolutione iis admissam publicam medicamentorum distractionem, interea, ita tamen, ut illi conditiones eotum praescriptas, et respective etiam benigno regio privilegio Patribus Societatis Jesu inpertito insertas debite observent, et Fratres Misericordiae ad internas hominum curas se haud inmittant, eoque fine medicinas suas extra claustrum infirmis non applicent, relinquantur; praelibatis autem Sanctionalibus ordinis S. Elisabethae in civitate hac degentibus publica pharmacorum distractio inhibeatur, super ultimo autem querimoniarum puncto Sibi votum Consilii hujus Regii Locumtenentialis, pro ulteriori elemen tissima Resolutione quantocius submittatur. Hanc igitur benignam Resolutionem Cafesareo-Regiam civitatis istius Magistratus ad notitiam illorum, quorum interest pro directione et debita respective observatione publicare, circa punctum autem querimoniarum ultimum, nec non de eo: num omnino praefati religiosi praescriptis conditionibus hactenus satisfecerint ? uberiorem Consilio huic informationem proximius suppeditare noverit. Datum Posonii ut s. 344. Quaestus cum medicamentis. Conci Cons. die 30. Aug. 1748. (In seq. M. R. ddto 26. Aug. 1748.) Altissima haec ordinatio / seriae pertractationi submittitur. / Maria Theresia etc. Praeter et ultra ea, quae per cives et pharmacopolas Posonienses, adversus Trencsiniensis et vicinorum Comitatuum incolas cum diversis oleis et medicamentis intra et extra regnum circum vagantes et quaestum exercentes Nobis repraesentata, Fidelitatibus Vestris, sub 2. Julii anni labentis communicavimus, quam graves iterato, et tum publico, cum et fundo contributionali praejudiciosi ejusmodi hominum diversas Europae ditiones pervagantium exponantur excessus? ex hic advoluta signatura / Nobis recenter submissa plenius informabuntur Fidelitates Vestrae. Penes cujus proinde communicationem, in continuatione priorum Fidelitatibus Vestris benigne hisce committendum esse duximus: quatenus in veritatem praeexpositorum suis locis serio inquiri facere, acceptaque genuina super iisdem informatione eandem cum voto et opinione sua, an et quale remedium idcirco ponendum esse censeant, Majestati Nostrae submittere noverint eaedem Fidelitates Vestrae. Datum Viennae ut. s. j/ Colluvies illa, quae cum oleo in diversis Europaeis exterorum quoque Principum ditionibus quaestum exercere permittitur, ex multis jam centenis, si non mille consisteret personis; in dies enim numerus horum augetur, dum eidem , tanquam colonias ducturi, potissimum tamen homines vagi, desertores servitii, et id genus otiosi associantur; unde et domestici exemplo horum, a labore desuescunt, vagabundi helluones, seditiosi redduntur. Singuli horum ter et quater per annum ad exteras provincias excurrunt, inter quos ignavi, et respective simpliciores vix unum aut alium florenum per unum quadrantem anni, ast factiosi et dolosi 50 et 60. singulis vicibus pro rebus vix trium florenorum summa comparatis, et dorso proprio bajulari consvetis importarent florenos, sessiones suas Regio oneri subjectas desertant, easdem vel jure pignoris a dominis terrestribus comparant, vel qua desertas usuant, a quibus dominis suis terrestribus redimendae evagationis causa plus, quam dupplicatum censum, Comitatui tamen valde parum, ab exstirpaturis autem prorsus nihil praestant, sic igitur culpa horum et conniventia ac patrocinio, propter pinquiorem censum dominorum terrestrium onus desertorum in statum populosum derivaretur, unde
