Linzbauer, Franciscus Xav.: Codex Sanitario-Medicinalis Hungariae 2 (Budae, 1852)

Regimen Mariae Theresiae imperatricis et regis

186

affecta, etiam libera ac regia civitas Pestiensis ex hac Danubii parte constituto eidem certo loco, in quo necessaria victualia cum debitis praecautionibus recipere possit, in reliquo sufficientibus a parte comitatus Pestiensis statuendis vigilibus , ita cincta, et ab omni aliorum communicatione praeclusa custodiatnr, ut ejus inhabitatores cum aliorum locorum incolis, et vicissim cum illis nullam penitus habere possint communicationem. Budensis vero civitas, seu ejus Magistratus , prouti et fortalitii Budensis Commendans Pestiensibus ita invigilent, atque attendant, ne quis illorum per Danubium alio, et ad alteram Danubii partem penetrare possit, et hoc ab extra; intus vero, seu in gremio dictae civitatis Pestiensis, loci Magistratus salutares quasvis dispositiones et praecautiones occasione contagiosae luis, ante biennium pariter ibidem erumpentis praefato Magistratui intimatas, quoad debite instruendum Lazarethum , separandos item infectos a non infectis, nec non domorum infectarum praeclusionem et successivam emundationem , exstingvendumque omnibus viis et modis antelatum malum indilate rí assumat, et diligenter, ac cum omni sedulitate observet, inque debitum effectum cuncta rite deduci faciat.

Praeter autem, et ultra haec summefata Sua Regia Majestas pro conservatione communis salutis uberius quoque benignissime resolvit:

1- mo. Ex legione Koháriana duas centurias in comitatu Borsodiensi pro nunc dislocatas, inde in comitatum Pestiensem transferendas ac majoris securitatis causa, medio etiam earundem praeter et ultra comitatenses vigilias, tam praenominatos duos pagos, quam et Pestiensem civitatem ex hac Danubii parte exactius cingendos, et omnem cum aliorum locorum incolis communicationem praecludendam esse.

2- 0. Advectionem salis ad depositorium Pestiense, ejusque inde ulteriorem promotionem et distractionem tantisper sisti, ac quaestores salis ad depositorium Szolnokiense, vel aliud Vacii constituendum, saleque replendum potius inviari debere.

3- 0. Omnes majores et minores naves in parte Pestiensi nefors adhuc existentes , ad partem Budensem accipiendas , ibidemque fideliter asservandas, loco autem Budae habiti per Danubium trajectus pro his, qui modo fatum flumen transire opus habent, alios trajectus ad Dunakeszi, ac etiam in Rácz-Al- más constituendos, eosdemque exquisitis hominibus et commissariis ita instruendos et muniendos esse, ut ex hac ad alteram Danubii partem non alii transponi admittantur, quam qui fidedignis passualibus litteris sufficienter remon- straverint, quod ex locis indubitanter sanis veniant, et per mera etiam talia transiverint.

4- 0. Pestiensis ad haec comitatus, in cujus praespecificatis locis praenotatum malum adhuc serpit, medio medici, chirurgorum et commissariorum suorum, in sui gremio ex hac Danubii parte habita omnia reliqua loca accurate visitari, sicque investigari faciat; an non in illis quid suspecti jam sit reperi- bile, ut primum simile quid detectum in illis fuerit, eadem pariter exacte cingi, et ab aliorum communicatione praecludi curando.

5- 0. Intra limites Pestiensis comitatus de uno in alium locum pergentes, cum passualibus judicum loci unde movent, ad alium locum admittendi quidem erunt, qui autem Pestiensem comitatum egredi, et ad alios regni comitatus, vel etiam Jazygum aut Cumanorum districtus venire opus habent, non cum aliis, quam ab ipso vice-comite, vel uno ex judicibus nobilium subscriptis passualibus accuratam personarum et rerum penes eos habitarum descriptionem et connota- tionem exprimentibus literis ubivis locorum, per quae transiverint, contrasi- gnatis; alio, seu extra Pestiensem comitatum admittentur: memorati proinde vice-comes, et judices nobilium ejusmodi passuales literas non aliis extradent,