Linzbauer, Franciscus Xav.: Codex Sanitario-Medicinalis Hungariae 3/4 (Budae, 1861)
Continuatio altera regiminis imperatoris ac regis Francisci (II.) I.
73 quae homines isti, et si cum aliquo proprietariorum domus aggravio, et quidem proximius illocari, et ita remanentes salubrius habitare queant. Cum ex concertatione cum Statu Militari observare mihi licuerit, sufficientem haud adesse numerum Militum, eo : ut universas vigilias cordonales obire possit, Civitates ad conscribendos et in Centurias subdividendos viros servitia, quae momentum temporis exigit, obire queuntes, provocavi, eo cum effectu, ut in Civitate Budensi die hodierna in Pestiensi die crastina concernentes tabellares Informationes mihi exhibendae sint, numerum Vigilum horum prout et nomina Ductorum et Subductorum exhibentes. Ut primum haec adfuerint, circa reliqua cum Statu Militari me in necessariam cointelligentiam ponam. Instructio Ordinis politiae per omnes et singulos aequaliter observandae sub elaboratione constituitur et proximis diebus publicabitur. Denique non possum non summam omnium utriusque Civitatis Individuorum Medicorum in cooperando ad omnes Commissionis Sanitatis Dispositiones prom- ptitudinem, alacritatem et nobilissimam ad casus plane extremos declaratam devotionem, prout adnexa sub * Documenta testantur gratus recognoscere et ad allissimam Serenitatis Vestrae Caesareo-Regiae et Excelsi Consilii Locumt. Regii notitiam deferre, excepta Domini Alexandri Kopp i sub demisse advoluta Declaratione, quae tanto majorem sensationem in Commissione fecit, quod vir hic notabilem substantiam in Urbe Pestiensi, sibi comparans, modalitate tantopere barda, et Commissionem cum interventu meo etiam celebratam offendente, manifestam renitentiam testatus sit, nullo in casu sub extraordinariis modernis circumstantiis tolerari queuntem. Quare Serenitati Vestrae Caesareo-Regiae et Excelso Consilio Locumt Regio demisse supplex sum, ut ad exemplum etiam quodpiam statuendum, et alios a simili renitentia contra dispositiones commissionales absterrendos, actum hunc, modalite sibi maxime accommoda visa, vindicandum benigno gratiose disponere dignetur. Qui benignitati et gratiosis favoribus perdemisse commendatus , profundissima in submissione persevero. Budae die 12. Julii 1831. — Serenitatis Vestrae Caesareo-Regiae et Excelsi Consilii Locumtenent. Regii humillimus devotissimus Baro Aloysius Mednyánszky, Commissarius Regius. * Commissio Sanitatis ab altiori Loco pro Libera Regia Civitate Pestiensi benigne nominata hisce Dominos suis titulis dignissimos Medicinae et Chirurgiae Doctores provocat, ut tempore hoc, quo dirissimi morbi adgressum non sine fundamento metuimus, sedulam operam suam afflictae humanitati ex omni animo praebere velint, et in specie, ut illi a praelaudatis Dom. Medicinae et Chirurgiae Doctoribus, qui peculiari zelo in sanctam destinationem suam reguntur, et qui condigne aestimare norunt, quantum intersit urbem adeo populosam, (qualis Pestiensis est) a nefanda Cholera aut poenitus praeservare, aut minimas morbi scintillas infelicissimo in casu semet exhibentes, actutum et efficacissime supprimere; ut ergo illi, qui curam medico-politicam Districtus unius alteriusve, in quos Civitas cum Suburbiis suis divisa jam est, plene ad normam Instructionis indilate extradandae suscipere cupientes, hanc voluntatem suam addita ad finem provocationis hujus brevissima Declaratione et nominis subscriptione Commissioni Sanitatis patefacere illico velint. — Pestini die 9. Julii 1831. Per Commissionem Sanitatis altiori Loco ben. delegatam Theodorus Neumayer, Commissionis Actuarius.*) *) Dorso hujus Provocationis inscripta fuere Nomina cunctorum Professorurn Faculta- tis medicae: Bene, Schordann, Schuster, Reisinger, Fabini, Gebhardt, Veleczky, Hoffner, Csausz; similiter Medicorum practi- corum et Assistentium Professorum tum functiones Medici circularis, tum Operem nosocomialem paratissime gratis praestare asserentium.
