Linzbauer, Franciscus Xav.: Codex Sanitario-Medicinalis Hungariae 3/2 (Budae, 1855)
Continuatio prima regiminis imperatoris ac regis apostolici Francisci (II.) I.
63 Caput III. De obtinendo et usurpando jure Magisterii pharmaceutici, de erigendis, emendis, haere ditate adeundis, administrandis P h a r m a c i i s. §. 26. Quae Facultati medicae ad praerogativam Magisterii pharmaceutici sodalibus et practicantibus absolutis rite impertiendam agenda sint, in coordinatione Studii et Facultatis medicae debent exponi. §. 27. Qui Pharmaciae Magister post acceptum a Facultate, aut Lyceo medico Magisterii pharmaceutici diploma quinque annis occupatione artis abstinuit, et aliam, quamcunque vitae rationem exercuit, excidit jure Magisterii per idem diploma expresso, debetque illud novo sibi examine rigoroso mereri, neque a- deo interea aut propriae, aut alienae Pharmaciae praeesse poterit. §. 28. Si approbatus artis pharmaceuticae Magister Pharmacopoeam aut haereditate ad se devolutam capessere, aut alienam aere redimere intendat, prius debet se apud Medicum magistratualem exhibito diplomate ,.jus Magisterii“ et aliis congruis testimoniis „exercitum in id tempus usum artis“ docere. Datam a Medico et scripto exaratam fidem super comperta utrorumque legitima conditione novus Apothecarius Magistratui civili ad procurandum adeundae haereditati, aut emtio- ni assensum exhibebit. §. 29. Eadem praevie agenda sunt illi, qui novam uspiam Apothecam instruere intendit: quibus demum actis libellus, ad oblinendam erectionis veniam pertinens, acceptari poterit. §. 30. Si quis Pharmaciae Magister artis exercendae domicilium eo loco , capessere velit, quo nulla dum Pharmacia existit, Magistratus civilis et Medici magistracies omni ratione favebunt ejus conatui: priores etiam datis in tempus privilegiis, aut commodis civilibus initia illius sublevabunt. In primis autem intercedent illis interpellationibus, quae tali in casu fieri solent ab iis personis medicis , quae antea eodem loco quaestum pharmaceuticum exercebant. Si major aliqua provincia prorsus caret Pharmaciis, serio curandum habebunt Magistratus civiles , ut quanto citius loco universis circum maxime congruo instruatur a- pothcca, homoque idoneus sufficientibus emolumentis ad eandem tenendam invitetur. §.31. Si quodam in loco jam adsuntPharmacopolia, eorum numerus deinceps augendus nequaquam eodem statere debet appendi, quo opificum et mercatorum quorumvis frequentatio. Exspectatio meliorum mercium, et pretii imminutio militant universim pro eo, ut huic frequentationi faveatur. Sed neutrum istorum aut requiri potest, aut obtineri debet per multiplicationem Pharma- ciarum: namque pharmacorum et bonitas et pretium ubique exaequo constituta esse, ac procurari debent. §. 32. Plurimum interest rei civilis: ut existentes uspiam Pharmacopolae rem familiarem bono loco constitutam et congruam civilem subsistentiam habeant, ne ipsa egestas ad fraudes civibus nocituras, et passim difficulter detegendas ducat. §. 33. Argumenta augendi uspiam Pharmacopoearum numeri, sumentur ex multitudine incolarum loci et vicinae circum regionis Pharmacia destitutae ; ex eorundem ad adhibenda pharmaca facilitate et proclivitate a tempore, ex quo nulla nova Apotheca erecta fuit, composito cum aucto interea incolarum numero et copia Medicorum, atque Chirurgorum; ex morborum endemio- rum gravitate, frequentia, diuturnitate, ex amplitudine loci, quae omnium undique incolarum ad exstantes hucusque graviores Apothecas confluxum illis saepe molestum et gravem faciat.
