Linzbauer, Franciscus Xav.: Codex Sanitario-Medicinalis Hungariae 3/1 (Budae, 1853)
Regimen Francisci I. imperatoris ac regis
829 jacento, Augustanae Confessioni addictorum Minister, jam ante aliquot annos, horis ab ordinariis suis functionibus vacuis, colendae rei agrariae, aliisve excolendis Oeconomiae rusticae ramis, in terreno per Dominium terrestrale praemissum in scopum cesso, adhibito indefesso conatu eam impendit operam: ut in loco hoc, illo potissimum authore, Schola oeconomico-practica erigeretur, in qua dein tam principali opera ejus, quam etiam vocatis in subsidium aliis quoque Docentibus, scholares in theoreticis non minus , quam practicae Oeconomiae rusticae cognitionibus, desiderato cum successu instituebantur; ac ad obeunda quoque munia oeconomica apta Individua formabantur. Cujus dein Instituti felici eventu ad Consilium isthoc Locumtenentiale Regium perlato, quo de methodo, interna institutione, et productis variis experimentis ac artefactis Scholae hujus genuina Informatio capi possit, politico-literariae ordinatae sunt Deputationes. Quarum Judicio cum hocce Institutum vehementer probaretur, ac a productis in facie loci diversis experimentis magnopere commendaretur, quo hujus salutaris Instituti utilitas in reliquas etiam Regni partes dimanet, Resque rustica, quam etiam Studium theoretico-practicum in hocce quoque Regno ad desideratum florem perducatur; Regium Locumtenentiale Consilium haud morabatur, synopticam hujus Instituti deductionem cum actis huc pertinentibus, altissimo Suae Majestatis SSmae obtutui favente cum suffragio substernere. Erga demissas hujusmodi Repraesentationes visum est Suae Majestati Sacratissimae , pro sua paterna, qua in provehenda Regni commoda, inter immensas totius Monarchiae curas, nunquam non fertur sollicitudine, clementer resolvere: ut, quum Institutum scholae industrialis oeconomico-practicae per Sámuelem Teschedik in Oppido Szarvas, annis superioribus introductum, tam semet ipsum commendet, quam et per Comitatnm Békessiensem, distri- ctualem superiorem Studiorum et Scholarum Directorem, Cameram Regiam Hun- garico-Aulicam, ipsumque Regium hocce Locumtenentiale Consilium insigniter commendetur; Institutum hocce in protectionem publicam sumatur, atque ad cathegoriam reliquorum publicorum Institutorum interea etiam temporis elevetur , donec tale penes Regiam Scientiarum Universitatem Hungaricam, et Aca- demias Regias cum introductione novi Systematis literarii constabiliri poterit. Ad accelerandum autem , ac per omne , qua late patet Regnum, Provinciasque eidem adnexas propagandum perutilis hujus Instituti scopum , dignabatur altefata Sua Majestas SSma sequentia adhuc benigne ordinare: 1. Ut localis Directio et Inspectio hujus ipsi Samueli Teschedik, prout etiam quorundam per se delectorum tradendorum objectorum Institutio, in quantum per Officium Ministri haud avocabitur, eidem deferatur; arbitrioque ejusdem relinquatur, ut alios praeterea Docentes tres, qui nativam Discipulorum linguam praeferenter vero hungaricam calleant, ac eadem Theoriam aeque ac Praxim in disciplinis oeconomico-practicis docere valeant, assumere possit. Quo fine etiam ipse Director Teschedik, qua et una Professor annuo 400 flore- norum salario, singulus autem ex assummendis tribus Docentibus annuo 300 florenorum Stipendio, ex Aerario literario Scientiarum Universitatis Regiae Hun- garicae ad 6 annos dependendis provideatur. 2. Ut Praelectiones juxta hic adnexum / Systema per Sámuelem T e / Systema Praelectionum primi Trimestris , videlicet a die 26. mensis Martii usque ad 23. Junii anno 1799, penes Institutum oeconomico-practicum , in Oppido Szarvas Comitatui Békessiensi adjacente, suprema Authoritate Regia confirmatum , tradendarum. I. Hebdomade. Proponentur 13 diversae Methodi, ope quarum natrosae ac secus etiam steriles terrae 17 annorum decursu fertiliores redditae sunt, et quis conatum hunc elfectus subsecutus sit ?
