Zeller, Carolus: De cephalaematomate (1822)

39

SECTIO SECUNDA

DE

CEPHALjEMATOMATE recens natorum OBSERVATIONES.

Obs. I,

Femina viginti tres annos nata, sanitate fruens integra , robusta atque formosa, secunda vice uterum gerens sanum ac bene nutritum septem librarunt puerum, capite in solito situ praevio pelvim ingressum , partu facili edidit. Primo die post partum dextro in bregmate tumor fluctuans, doloris colorisque expers, totum fere os occupans observatus est, qui tres pollices longus ab anteriore ad posteriorem partem porrectus, duos pollices et semis latus a sutura sagittali usque ad suturam squamosam protensus erat, ambitu undecim pollices et semis aequabat, et unius pollicis altitudinem superabat. Primis post partum diebus et magnitudo tumoris et tensio insigniter augebatur. Fomentis tepidis vinoso-aromaticis quamvis per septem dies adhibitis tumor plane non minuebatur. Annulus prominens, qui animadverti solet, inprimis iü margine inferiori sentiri poterat. Septimo