Schuster, Joannes (szerk.): Pauli Kitaibel M. D. Prof. Chemiae ac Botanicae: Hydrographica Hungariae 2. (Pest, 1829)

Aquae Comitatus Sárosiensis

nectatur, cura valetudinis status varius, vel oh diaetam servandam , vel ob virium defectum , vel ob nauseam, aut aversationem reliquis hospitibus movendam, non omnes ad communem mensam admittat, neque haec singulorum palato arrideat.

IV. Denique superest, ut de aliis commoditatis ac jucunditatis momentis quaepiam adferam : ac l) quidem de fonte Aquae dulcis in vicinia exquirendo debite- que instruendo prae multis aliis sollicitum esse oportet Amplissimum Magistratum, ne a Caupone pro cibis coquendis Aqua e praeterlabente, sordesque recipiente rivo in nauseam omnium sumatur, et hospites, quorum pluribus non semper expedit Acidulam bibere, ad longinquam distantiam mittere,cogantur. 2) Ut via, quae ex urbe ad Acidulas ducit, reparetur, ne desit inter hospites et urbis incolas commercii opportunitas , alioquin his utilis, illis necessaria. 3) Ut ad scaturigines arbores cum scamnis ponantur, quo hospites post deambulationem ad illas revertentes sub umbra paululum conquiescere, et haustum Aquae cum quapiam oommoditate repetere possint. /1) Ut sylvae vicinae quam maxime parcatur, eademque ambulacris distinguatur, quibus ii utantur, quorum valetudinis cura validiorem commotionem poscit. 5) Ut pratum, quod inter aedificium, sylvam et rivum interjacet, rejectis sepibus et plantatis arboribus (Tilias recommendavi) pro ambulacro accomodetur. Neque enim omnibus aegrotis, qui libera aura, et salutari corporis motu frui debent, concessum est, in distantiore et acclivi sylva ambulacra sibi quaerere.

AQUAE BARTPHENSES 1795. 23

Fuissent quidem praeter haec complura alia adhuc monenda, e. g. dc constituendo prudenti et cordato viro, qui super recensitis inspectionem gerat; de mendicis coercendis ; de aequo habitaculorum pretio anto