Bene, Franciscum: Brevis doctrina de vaccina per Franciscum Bene (Budae, 1818)
45 nostrarum rationabilibus Medicis committimus, meremur simul etiam de genere humano , nam Medicis ansam praebemus ad, experientiam ultro augendam. §■ 77i Né ergo inoculationem Vaccinae ulLi ex rudibus committamus, aestimemus condigne illustre illud saeculi superioris Inventum. Ne patiamur illud sordidis Agyrtarum manibus profanari, decore suo ac utilitate privari. Committamus viris, qui perscrutandae hominis naturae, statu eius normali, et abnormi, cognoscendo dies suos transigunt-, qui in conservandis concivibus suis omnem felicitatem reponant. Sic tandem nobilissimum finem, totalem quippe quam intendimus variolarum exstirpationem feliciter asse- quemur.
/
