Csízy, Paulus: De morbis infantum (Budae, 1838)
§. 54. Frequenter inter 1. usque 3 morbus hic comparet annum , rarr? serius , nec si satis mature congruis impugnetur remediis, omnem recusat sanationem. jVeg- lectus vel et inveteratus, plenariam inducit glandularum meseraicarum indurationem, saepe et inflammationem, quo fit ut subtracto toti organismo , ob impeditum chyli in sangvinem transitum nutrimento, summa emaciatio miseram adducat mortem. §. 55. Dupplex in curatione hujus morbi exurgit indicatio , quarum altera infarctum glandularum Solvere , altera organa assimilationis, ut et totum organismum roborare contendit. Quodsi igitur mala lactis vel et aliorum nutrimentorum conditio, gravem hunc sustentaverint morbum, lac caprinum vel et balneum e maltho cum interno solventium usu, malo huic opitulabuntur. Morbo majorem in gradum evecto summo cum effectu potus e glandibus quercus tostis paratus, praeterea et frequens balneum e maltho, mundities, linteamina fumo succini vel et aliorum balsamicorum imbuta , adplicantur. Cu' ram adjuvat etiam magnesiae ,| rhei, calomelis aethiopis mineralis, extracti chinae, taraxaci, martialium adplicatio’ ut et balneorum martialium frequentior usus. §. 56. Restat adhuc aliquid et de]j Rhachitide commemorare. Est nempe rhachitis cachexia infantes prae- primis a prima dentionis periodo usque annum tertium infestans, quae cum ossium tumore, ab omni vi externa independente, cum peculiari eorum malacia^et deformitate, una cum corporis reliqui tabe incedit. — Quamvis morbus ad eos non refertur, qui lethali plerumque exitu terminantur , infanti tamen misero, miseram juventutem, ad omnes pectoris et abdominis morbos pronitatem, inde- que maturam praeparat exstinctionem. §. 57. Quum morbus in intimis digestionis, assimilationis et nutritionis haereat latibulis, a medicaminibus, quae infantili possunt et solent propinari aetati, uberri-
