Csízy, Paulus: De morbis infantum (Budae, 1838)
24 aceti lythargiri adplicatur solutio, vel et Zincum sulph; aut mere, praecip. ruber in ungventum redacta, margini palpebrarum inliniuntur, interne medicina purgans propinanda. Trismus neonatorum. §. 34. Morbus hic raro post 14 a nativitate ingruit diem, manifestat se ejulatione infantis, suctione cohibita, regurgitatione lactis absumti, tum investigati musculi maxillae inferioris rigent, haec amplius deprimi nequit, superiori valide adprimitur, accedit saepe et reliqui corporis rigiditas (tetanus) morsque per apoplexiam. Raro morbus hic ultra quatuor extenditur dies , utplurimum malignus omnem recusat sanationem. Mala lactis qualitas, meconii accumulatio, aer impurus, refrigerium, praecipue autem nimis prope ad abdomen deligatus funiculus umbilicalis , momenta hujus morbi constituunt causalia. Abnormi funiculi umbilicalis de- ligatione ut causa, ligaturae remotio, praesentibus saburrae indiciis emetica jam purgantia, clysmata, balnea tepida praecipua constituent remedia, accedunt his, partibus spasmo laborantibus adplicita ungventa nervina, clysmata cum opio vel assa foetida, emplastrum vesicans nuchae adplicitum, interne praecipuum Zincum exerit effectum. Sclerosis. §. 35. Sclerosis seu induratio telae cellulosae infantum , manifestat se per cutim praecipue extremitatum tensam , duram, serius haec adfectio cutis et in genis, abdomine , regione pubis comparet, plantae pedum purpureo suffunduntur rubore ^ qui et ad vicinum crus et femur extenditur, accedit saepe et trismus. Durat hic morbus
