Goldberger, Adolphus: Dissertatio inauguralis medico-pharmacologica de auro ejusque praeparatis (Vindobonae, 1830)
18 etas, simul cum injectionibus ex infuso cicutae scirrho uteri opponit. Labiis pudendis granum unum cum saliva ter vel quater de die infricatur. §. 14. Oxydum Auri et Stanni. Purpura mineralis Cassii. Ad praeparatum hoc obtinendum solutio Auri muriatici diluta modo supra memorato paratur. Praeterea Stannum purissimum in mixto ex quatuor partibus acidi ni- trici, et una acidi muriatici dimidio alcoholis antea diluti, solvitur. Liquidum hoc octuaginta aquae partibus antea dilutum, solutioni Auri tamdiu instillatur, quamdiu adhuc sedimentum secedit, coloris, ab initio, ex fusco rubri, serius nigrescentis, aqua destillata optime abluendum et siccandum. Juxta Gozzi in adfectionibus syphiliticis inveteratis, praesertim in paralysibus hujus indolis efficax medicamen, Auro muriatico mitius agens. Forma et dosis eadem ac praecedentis. §. 15. Aurum fulminans. Aurum oxydatum ammoniatum, Aurum diaphoreticum, Aurum crepitans, Pulvis cryso-ceraunius.
