Goldberger, Adolphus: Dissertatio inauguralis medico-pharmacologica de auro ejusque praeparatis (Vindobonae, 1830)

mate sanguifero nimium mobili instructis. Optime usus ejusdem convenit individuis phlegmaticis, stimuli patientia donatis, minus sensilibus, quae etiam citius et majus dosis augmentum ferunt. Dantur etiam homines, qui nullam erga Aurum reactionem ostendunt, quam proinde in his vi extorquere non licet CChrestien Niel).

$. 5.

Nonnulli adplicationi praeparatorum Auri deuram praemittunt leviter debilitantem, et potus antiphlogisticos larga quantitate haurire suadent (Niel). Sub ipsa cura diaeta a multis non ordinatur stricta, evitando solummodo nutrimenta ventriculum gravantia, et potulenta calefacientia; imo debilibus diaeta nutriens commendatur. Alii tamen merito aegros, praecipue plethoricos, regimini antiphlogistico, et diaetae sic dictae mercu- riali subjiciunt. Favet praeterea curae calor moderatus, aer purus, siccus; tempestate enim humida, frigida majores requiruntur doses ad metamorphosin salutarem inducendam, et deficit plerumque crisis per cutem absolvenda.

§. 6.

Dosis pro diversitate morbi et aegri, et praeparati vi diversa esse debet, ita semper

II