Az 1863-as kalocsai egyháztartományi zsinat iratai és határozatai

Index

— 201 — anima a subrepentibus venialibus erratis purgetur : praeservatur simul, ne in graviora peccata proruat, salutaria proposita saepius in mentem redeunt, increscit peecati horror, eor ad omnem gratiae divinae motum fit promptum, innotescunt dominantes affectus, et in officiis vocationis exequendis major succedit fidelitas. Jam ipsa humilis peccatorum expositio mentem providam reddit, pravas affectiones debilitat, et malos habitus non sinit in sinu cordis radices figere. Accedunt monita, consilia et adhortationes Confessarii, praesertim gratia divina, cujus nova semper augmenta accrescunt et contra hostes invictum suppeditatur robur. Qui consuetudine quadam prava detinentur, per frequentationem Sacramenti Poenitentiae voluntatem suam in bono firmant, et ad perseverandum copiosiores gratias obtinent. Pueri et adolescentes hujus Sacramenti subsidio semet Deo consecrare, illecebras fugere et pietatem colere discunt. Parentes ad ferenda vitae hujus onera, divino freti praesidio, potentius juvantur. Rudes opportune instruuntur, tristibus accedit consolatio, pusillanimes eriguntur, infirmi sanantur, sani roborantur et perseverantiae donum obtinent. Quapropter Pastores animarum doctrinam Ecclesiae de Sacramento Poenitentiae, ejus utilitate et fructibus crebrius exponant et ad illud administrandum semper prompti compareant, imo in festorum vigiliis, diebusve dominicis et festis vespertinis ac matutinis horis in tribunali Poenitentiae, etiam nemine vocante consideant. Promotis confraternitatibus obtinebitur, ut membra confraternitatum suis opportunitatibus ad sacram Confessionem accedant, unde facile eveniet, ut singulis festis et dominicis diebus aliqui adminus inveniantur poenitentes, qui suo publico exemplo alios quoque allicient. Indulgentiae, quae quibusdam festis annexae sunt, praecedenti dominica annunciandae erunt, agendumve, ut festa patrocinalia fideles per Sacramentorum susceptionem magis sibi 26