Az 1863-as kalocsai egyháztartományi zsinat iratai és határozatai

Index

— 166 — officia spiritualia instituere, neque eorum peragendorum potestatem alicui committere possunt : eapropter beneficia tum erigendi tum conferendi jus ad potestatem ecclesiasticam pertinet, adeoque Patronorum est, Clericum dotibus requisitis praeditum Episeopo ceu collatori praesentare, neutiquam vero benefieium conferre. Caput XV. De emeritis Presbyteris. Qui ex indultu apostolico in servitium dioecesis absque titulo ordinantur Presbyteri, servire dioecesi obligantur, usquedum ex causa canonica inhabiles fiant aut declarentur. Causa cessante, eadem obligatio reviviscit. Idipsum valet de Presbyteris Clero dioecesano adlectis. Emeriti aut quoquo modo ad quietem redacti ab obligatione sanctae et salutaris obedientiae Ordinario debitae minimé solvuntur, manentque canonicis et dioecesanis statutis, maximé quae vitám et honestatem Clericorum concernunt, obnoxii, et in his Parocho loci, in quo domicilium figunt, subordinantur. Providebunt Praesules, ut iis quj laboribus in vinea dominica jam exantlatis dignam quietem agunt, e fundo ad hunc finem conflato, prout adjuncta dioeceseos ferunt, prospiciatur. Quos vero culpa sua officio privatos esse contingeret, eorum mansioni et correctioni destinetur locus, ad quem pro tempore defixo relegati, aut emendati et compuncti ad sacrum ministerium redeant, aut sapere nolentes a mundi hujus oculis prorsus remoti, in solitudinis sacro silentio aeternitatem efficacius meditentur.