Az 1863-as kalocsai egyháztartományi zsinat iratai és határozatai

Index

— 132 — retur, jam formetur in ea Christus. Idcirco in Seminarium május nonnisi tales recipiantur, circa quorum vocationem prudens praesumtio habetur. Recepti ad Seminarium doceantur hoc institutum esse scholam Jesu Christi, in qua ad procurandam salutem fidelium ministri parantur Ecclesiae. Siquis vero alumnorum vocationem suam non probet, ad saeculum mittatur. Agendum cumprimis, ut Seminarium illi fini deserviat, quo vetus homo cum operibus suis exuatur, et induatur Christus. Quapropter modestia, verecundia, mentis serenitas, cordis humilitas, amor recti ordinis jugiter implantentur juvenum cordibus. Excitetur et foveatur scientiarum sacratiorum amor, materiae proponantur e libris ab Episcopo probatis, tempus praelectionum exacte servetur, rudimenta disciplinarum theologicarum e genuinis deprompta fontibus ita tradantur, ut spiritum clericalem firment atque ad formandos idoneos animarum pastores deserviant. Theologicae scientiae lingua latina proponantur, quapropter id quoque curandum erit, ut clerici etiam in commercio familiari quo ampliorem hujus linguae usum faciant; illae porro ea ratione tractentur, ut juvenes quae discunt plene intelligant, connexionem rerum advertant, scientiae fundamenta penetrent, et ita in animis eorum firma nascatur de veritate doctrinae catholicae convictio. Ut vero in studiis theologicis justus obtineatur fructus, Episcopis curae erit, ut candidati ad studia theologica prius necessariis philosophicis notionibus solide imbuantur. Magister Sacrae Scripturae, vindicata singulorum sacrorum librorum authentia et auctoritate canonica, omnes suos eo diriget conatus, ut auditoribus venerationem erga Biblia sacra ingeneret, et Psalmorum praesertim ac pericoparum Epistolarium et Evangelicarum intelligentiam practica expositione promoveat. In Apologetica christiana fundamentales de Religione, revelatione christiana et Ecclesia catholica veritates sic proponantur, ut in cordibus alumnorum altas figant radices, et errorum