Az 1863-as kalocsai egyháztartományi zsinat iratai és határozatai

Index

— 122 — eo minus falsis circa futurum matrimonium pollicitationibus semet demulciant. Sponsorum institutio solerter servetur; decentiae ratio postulat, ne sponsae pro hac institutione solae compareant. Durante hocce institutionis tempore sponsi de iis omnibus debite informentur, quae conjugum officia et prolium educationem nec non ad vitám christiano more instituendam attinent. Hortatur cum SS. Concilio Tridentino haec Synodus, ut conjuges ante benedictionem sacerdotalem in templo suscipiendam non cohabitent, et ut antequam matrimonium contraliant sua peccata diligenter confiteantur, et ad SS. Eucharistiae Sacramentum pie accedant *). Benedictiones nuptiarum serventur mane, et non diebus ab Ecclesia vetitis. Pia viget in Ecclesia consuetudo, ut fideles sanctum conjugalem statum intra Missarum solemnia iuxta ritus in Missali Romano praescriptos suscipiant, quae pia consuetudo eo facilius observari potest, cum Missa pro Sponso et Sponsa, servando solummodo convenientes ritus, pro alia etiam intentione offerri queat. Si occasione nuptialis benedictionis Pastor animarum brevi sermone praesentes alloqui e re judicaverit: moneat eos de sanctitate et inviolabili vinculo liujus matrimonii, adhortetur conjuges ad implenda status sui officia ipsisque commendet, ut acceptam a Deo gratiam in anni ver sario suae copulationis die per Sacramentorum devotam susceptionem pie restaurent. Neonupta si secus nil obstet altéra post benedictionem die introducatur in Ecclesiam, ut benedictionem prolium exoret a Domino. ])c inixtis Matrimoiiiis. Quo magis optat haec Synodus, ut Sacramentum matrimonii fideles nonnisi animo, mente, piis moribus et sanctis desideriis sibi similes contraliant : eo magis veretur omnem ') Conc. Trid. Sess. XXIV. de Ref. Matr. Cap. I.