Kalocsai Főegyházmegyei Körlevelek, 1963

Index

— 2 — I Anno elapso missiones populares celebratae non sunt. Multis in locis autem habitae sunt devotiones triduanae, cum vero spirituali emolumento fidelium, qui, cum eiusmodi devotiones commodius adire et frequentare potuerint, eisdem cum usu sacramentorum libenter et fructuose interfuere. Licentia sacramentum confirmationis conferendi obtenta, sacram istam functionem ubique peragere potui atque occasione confirmationis non solum confirmati accepere dona Spiritus S., sed etiam multi fideles a pastoribus bene praeparati, post sacramentalem confessionem pane angelico se refecerunt. Quod vero res temporales attinet, ,externae reparationes aut ex parte renovationes fieri potuerunt in Baja, in sacello coemeterii ad S. Rochum, ibidem in ecclesia ad S. Ioannem, porro in Császártöltés, Kecel-Beltér, Miske et Soltvadkert in ecclesiis, in Miske vero etiam in domo paroeciali, quem in finem etiam fideles suos obulos laudabiliter obtulerunt. Interna superficies ecclesiarum renovata est in Akasztó et Keserűtelek. Tecta et turres ecclesiarum renovata sunt in Baja Szent István, Dunaszentbenedek et Tataháza. In Bocsa Szent Margit vero turris ad debitam altitudinem erigitur. In Mátételke ad finem perducta est aedificatio domus paroecialis, quae posthac commodum domicilium praebebit pastori animarum. Mentione dignum iudico afferre, annis elapsis etiam praetorium aeppale notabiles accepisse renovationes, in ordinem redacta esse aedificia palatio adiacentia, partemque horti aeppalis notabilem, maceria esse circumdatam. Anno. elapso, cum conditiones a iure requisitae praesto fuissent, audito capitulo duas erigere potui paroecias: in Tabdi nempe et Mátételke, in Alsómégy autem curatia erecta est, cum domo paroeciali, ubi curatus sat commodum obtinet domicilium. Praeter momenta mentione digna etiam alia observare debemus, quibus nec connivere possumus, nec eadem silentio praeterire. Sunt confratres, qui nimiam produnt anxietatem in linea rerum materialium, quae facile eosdem impedire potest, quominus in cura animarum fructuose operentur. Cum huius defectus mentionem facio, pro re nata minimé intendő prohibere, quin confratres inter tramites a lege civili datos necessítati ecclesiae suo tempore rite prospiciant. In itineribus meis aliquoties observare potui, esse in archidioecesi ecclesias et aedes paroeciales, quae reparatione indigent, cuius retardatio haud potest tolerari. Hac vice in mentem revoco dictum S. Augustini: potuerunt hi et hae, cur non tu . . . ? Item bene novi, esse stationes, in quibus administratio rei domesticae minimé sufficiens esse observatur. Tali in statione fratres cooperatores, qui, utpote iuvenes, amico habitaculo quam maximé indigent, quomodo libenter commorentur? Absque amico habitaculo nec clericus, nec laicus tuto existere potest. Omnis enim clericus, sive subditus, sive praepositus optat in domicilio salubritatem, ordinem et amicam relationem, quae simul sumpta etiam animi vere sacerdotalis evolutionem quam maximé promovent, eorum vero defectus teste experientia damnum afferre sólet in serie clericorum. Quod nunc tempus instans attinet, autumno sequenti continuationem synodi exspectamus. Facimus hoc in fiducia, ferventerque precamur, ut spiritus, quem in sessione prima observare potuimus, in sessione secunda ulterius augeatur. Praesertim id implorare debemus, ut Salvator miserens Suam Sanctitatem, B. Patrem Nostrum sanum incolumemque servet. Eum providens Deus dedit Ecclesiae, cuius persona benedicta pignus est pro eo, quod vota ac studia orbis catholici ab eodem promota, optabilem finem consequentur. Facta diligenti praeparatione, summopere est mihi in votis, ut cathedralis ecclesiae externa necnon interna reparatio incipiat et ad finem perducatur. Opus renovationis decursu veris sequentis incipiet, ut iam saepius enunciavi. Communi precatione imploramus, ut arduum istud opus felicem exitum sortiatur. In cura animarum prudentia pastorali operandum est confratribus, ut vitia lamentabilia, probrosa scilicet maledictionis consuetudo, porro abusus in vita familiari, quibus nascentes rosae ex arbore vitae impia manu resecantur aut suffocantur, e medio tolíantur aut saltem imminuantur. Maledictionis detestabilis consuetudo graviter offendit divinam Maiestatem, nec homine rationali digna est, quippe quem Creator ad suam imaginem et similitudinem efformavit. Altér autem abusus adversatur legi naturae et ducit ad interitum nationis. Aperire debent pastores parentum oculos atque inculcare, ne melior oeconomica conditio ipsos immodice sui amatores efficiat, qui onera et gaudia cum nativitate et educatione prolium coniuncta, temere detestantur et impie reiiciunt. Tristem sane aspectum praebet nidus avium absque pullis parvulis, cuius rei exitialem sequelam in senectute ipsi parentes deplorabunt. In limine tandem anni nascentis, tum confratres, tum singulos et universos fideles, iisdem fausta quaeque adprecatus, alloquor ea cum intentione, ut meum servitium pro iisdem etiam per annum labentem libenter praestare cupiam. Eorum fervidas preces rogo eum in finem, ut difficile officium meum in bona valetudine et divina gratia confirmatus fideliter adimplere valeam. Incrementum vero nostri laboris divinus Salvator clementer nobis concedere dignetur. Colocae, die 1 ianuarii 1963. 236/1963. sz. Rekollekciók rendje. 1963-ban az alábbi napon lesznek a rekollekciók: Kalocsán: február 14., április 18. (nagycsütörtök miatt nem második csütörtökön), szeptember 12. és november 14. Baján: február 28., április 23. (búzaszentelö miatt nem csütörtökön, hanem kedden), szeptember 26. és november 28. Nyomatékosan felhívom a T. Páptestvérek figyelmét arra, hogy akik ebédet vagy éjjeli szállást is kérnek, jelentsék azt kellő időben az érseki irodának, illetve a bajai belvárosi plébániának. Kalocsa, 1963 január 16.