Kalocsai Főegyházmegyei Körlevelek, 1962

Index

1962. FŐEGYHÁZMEGYEI HIVATALOS KÖZLEMÉNYEK t Nr. 100/1962. Brevem anni eiapsi eventuum conspectum praebet vicarius capitufaris. Laudabilem consuetudinem, vi caius praecipua anni praeteriti acta et gesta recensere solebat Archipraesul, retinere cupiens, et ego paucis recolere intendő ea rerum momenta, quae digna sane sunt, ut in paginis circularium adnotentur. In brevi rerum conspectu apparent nobis gaudiales necnon luctuosi eventus, quos e paterna Dei providentis manu absque ullo discrimine profunda cum humiliíate accipere tenemur. Grato corde recolimus iubilaeum semisaeculare ordinationis sacerdotalis denati Archipraesulis, qua festiva occasione Iubilans caterva sacerdotum suorum, imo totius regni ac túrba fidelium stipatus incruentum sacrificium gaudio redundáns obtulit aeterno Sacerdoti, quo absoluto benedictionem omnibus in sua cathedrali praesentibus libentissime impertivit. Pro eo filialis devotionis testimonio paulo post circularibus grates referens, omnes et singulos, quos occasione secunditiarum, Sui meminisse expertus est, divino Cordi addixit eo cum voto, ut omnes isti Dominum Iesum in salebrosis vitae semitis benignum Pastorem, in amara vero morte miserentem Iudicem nanciscerentur. Istis verbis quasi propriam mortem praesentiscens, revera nondum spatio trimestri elapso nobis omnibus flebilis occubuit. Nos vero qui ante paucos rnenses ad altare floribus ornatum conspeximus Iubilantem, die 6. Octobris a. e. Eundem in feretro repositum ploravimus, amare sentientes, omnes nos absque patre pupillos effectos, matrem vero nostram, provinciám Colocensem in lugubrem viduitatis statum esse detrusam. Ex illo tempore venerandas eius exuvias lapis claudit in crypta ecclesiae cathedralis, quas, quo decuit pietatis adparatu, in frequentissimo omnis ordinis et sexus concursu, in spem beatae olim a mortius resurrectionis reposuimus et condidimus. Lapis hic claudit vitám Viri, cuius memória actu vivit, diu adhuc in benedictione victura. Defunctus vita comite omnem adhibuit curam, ut suae dioecesis ecclesiae vetustate iam fatiscentes, aut tempestatis iniuria laesiones expertae, in bonum statum reductae nitore ornatuque divino cultui digne inservirent. Istius conatus in sequelam anno elapso totális reparatio externa facta est ecclesiarum sequentibus in locis: Bátmonostor, Borota, Csengőd, Érsekcsanád, Dávod, Felsőszentiván, Kecel Beltér, Szakmár, Tázlár ad S. Ioannem, isthic una cum domo paroeciali. Notabilis vero restitutio turrium, tectorum aut parietum fieri potuit his in paroeciis: Baja Szent József, Bácsbokod, Bácsborsód, Dunapataj, Foktő, Géderlak, Kalocsa ad S. Stephanum, Kalocsa ad Saníctum Josephum. Interna parietum ac rerum mobilium reparatio facta est in Kéleshalom et Kelebia, ubi etiam externa superficies ecclesiae ex parte saltem renovata est. Item refero, nova pictura artificiosa exornatum esse sanctuarium ecclesiae Tázlár Boldogasszony, quae Reginam Universi una cum beatis regni nostri, vividis coloribus repraesentat. Praeterea externa reparatio ecclesiae incepta est in Császártöltés, item aedificari iussit communitas catholica aedem paroecialem in Mátételke, externa vero restitutio fieri potuit in domibus paroecialibus in Dunaszentbenedek et Foktő. Ecclesiam in Mélykút suburbio, cuius aedificatio feliciter ad finem perducta est, sollemni benedictione usui fidelium tradidit immeditae post secunditias ipse Archipraesul. Item absoluta est dilatatio ecclesiae in Harta, cui Archiepiscopus ad gaudium fidelium solemni pompa benedixit. Simiii inodo sua benedictione ditavít turrim ecclesiae in Tabdi, quae in planitie longe eminens vocat fideles ad rem divinam celebrandam. Tali dilectione domus Dei animatus, aeque in votis habeo actionem istam laudabilem continuare, proinde cum caritate rogo confratres, velint mecum atque suis cum fidelibus ferventer precari, ut iis in locis, ubi id necessarium reputatur, faustam inveniamus occasionem ad cultus divini locum stabiliter defigendum. Hic loci mentionem facere cupio, quod postea danda occasione uberius exponam, rae Deo favente etiam in ecclesia cathedrali perficere velle eas externas ac internas reparationes, quibus mater et caput ecclesiarum archidioecesis revera indiget, ut cultui divino necnon honori Deiparae in coelum Assumptae digne respondeat. Omnes bene novimus, opus inceptum nondum perfectum esse, sed plurimis in locis ecclesias restitutione ac novo ornatu indigere, quod quidem opus ulteriorem dilationem haud patitur, ne sacrae aedes maiora detrimenta accipiant. Minimé dubito, quin fratres una cum suis fidelibus parati sint me isto in conatu prompto animo iuvare, ut propositum laborem Deo adiuvante viribus unitis ad finem perducere valeamus. Nec silentio praeterire possum sollemni hac occasione, quod Sua Sanctitas Ioannes PP. XXIII. festő nativitatis modo elapso concilium Vaticanum II. decursu labentis anni celebrandum indixit. In ista synodo totius orbis catholici episcopi convenient ad tractanda et definienda negotia universalis ecclesiae auctoritate et praesidio Summi Pontificis. Unitatem ecclesiae tali modo splendide repraesentabit synodus, nec dubitandum est, quod etiam studeat omnes, qui christianum nomen profitentur, ad paternum ovile amica voce invitare. Istud prae oculis habén-