Kalocsai Főegyházmegyei Körlevelek, 1961

Index

— 1 — 1961. FŐEGYHÁZMEGYEI HIVATALOS KÖZLEMÉNYEK Nr. 100/1

961. Vota archiepiscopi in exordio novi anni Allocutione paterna, quam in capite anni elapsi ad clerum populumque fidelem direxeram, id imprimis inculcavi, ut pastores gregis in cordibus suorum fidelium, vividam et intrepidam iidem, sine qua „impossibile est piacere Deo" (Hebr. 11, 6.) resuscitare ac fovere studerent. Nunc vero, rationem redditurus de anni praeteriíi eventibus, mentionem facere debeo de iis conatibus, qui ad finem praefixum attingendum quam maximé conferre videntur. Consideratione ista permotus, referre festino, pro clero dioecesano in civitate mea archiepiscopali bina vice mensibus aestivis exercitia spiritualia et quater per anni decursum recollectiones Colocae et in Baja habitas esse, quae certe aedificationem spirituálém promovebunt in eis, qui eisdem recia mente intererant. Eundem in finem celebratae sunt in paroeciis Csatalja, Kaskantyú et Sükösd missiones populares, multis vero in locis devotiones triduanae, aliaque pia exercitia, quae absque dubio in vita fidelium, post emendationem vitiorum, fructum afferent copiosum. Propositum istud laudabile provehere studebant sacroruin curiones verbi divini praedicatione, catechesi in ecclesiis et scholis iuventuti tributa, rosario Mariali mense Octobri, fideles actioni liiurgicae inserendo, quae omnia apta sane média sunt ad fidem in cordibus fidelium augendam. Dei enim sumus adiutores, qui plantamus et rigamus, Deus vero dat incrementum (cf. 1. Cor. 3, 6 ). Duin autem effectum salutarem gratiae divinae desuper clementer imper'titae ac nostri exigui laboris conspicimus, minimé connivere possumus iis defectibus, qui in vita fidelium quotidie cum moerore animi observantur. Oratio quotidiana, sacrificii missae frequentatio, prolium religiosa educatio, aliaeque vitae religiosae manifestationes tot ac tales ostendunt defectus, ut iisdem e medio tollendis omni conatu incumbere teneamur. Orare et laborare debemus, ut idea Dei et nostra ad Eum, primum princípium et ultimum finem relatio, id est religio, in vita fidelium denuo centralem occupent locum, neve curis saecularibus, deliciis ac perversis ideis e mentibus fidelium sensim sine sensu eliminentur aut penitus suffocentur. In limine recentis anni meminisse iuvat aliorum quoque eventuum, qui aliquid solacii nobis afferebant atque augmentum rei nostrae significant. Duae scilicet nostrae civitatis residentialis ecclesiae, id est ecclesia in honorem S. Stephani regis dicata, atque ecclesia honoribus S. Iosephi consecrata, festa saecularia suae aedificationis et consecrationis obire potuerunt. Ista occasione fideles, sane inter angustos Iimites, cum gaudio coadunati sunt, una nobiscum semetipsos et civitatem nostram tutelae patronorum commendantes, qui per saeculum vigilanti cura tuebantur religiosos, alumnos et incolas ad istas ecclesias pertinentes. Laudare cupio munificentiam eorum quoque fidelium, qui suos obulos libenter obtulerunt ad ecclesias aedificandas, exornandas aut restituendas, quod pium conamen sequentibus recenseo: Ad finem feliciter perducta est aedificatio ecclesiae in Tabdi, honoribus B. Elisabeth viduae dicatae, quam dominica festum eiusdem sequenti benedicere et usui fidelium tradere potui. Dilatatio ecclesiae in Harta similiter absoluta iam est, ecclesiae vero in Mélykút aedificatio et instruclio eousque processit, ut eandem labentis anni decursu benedicere intenderem. Externa aut interna restitutio ecclesiarum partim totális, partim aliquanta sequentibus in locis est subsecuta : in Jánoshalma, Csengőd, Szakmar, Fájsz, Öregcsertő, Foktő, Dunaszentbenedek, Madaras, ubi in locum turris ob incendium internum deustae, nova et artificiosa turris est aedificata. Novis picturis sunt exornatae ecclesiae in Csengőd, Kecel et Kalocsa Sz. Imre, quae diversa momenta e vita Iesu Christi, B. Mariae Virginis, porro B. Emerici ducis vivide repraesentant. Eminent inter eas picturae artificiosae in Kecel, sed etiam imagines in Csengőd et Kalocsa Sz. Imre aptae sane videntur, quae fidelium devotionem venusta elaboratior.e excitent et augeant. .Artis sacrae vi ac pompa attracti fideles his in locis non solum obulos suos offerebant, sed etiam opera manuum suarum certatim adiuvabant opifices alque artifices, ut labor semel inceptus ad omnium laetitiam ad praefixum terminum perficeretur. Quum omnia a iure canonico requisita ibidem iam invenirentur, ad meliorem fidelium spirituálém provisionem novae paroeciae erectae sunt in Bócsa Sz. Margit, Tázlár Boldogasszony et Mélykút Sz. Erzsébet, ubi adusque curati solummodo operabantur. Nec silentio praeterire possumus congressum eucharisticum 37-um, qui aestate anni praeterlapsi Monachii est celebratus cum ingenti concursu fidelium e toto terrarum orbe coadunatorum. Nos corpore absentes eo tetnpore publicam adorationem indiximus in ecclesiis, ut quam plurimi fideles sacra synaxi refecti sese festivitati adiungerent atque pro concordia populorum fervide precarentur. Nunc demum liceat mihi proferre, me anno currenti, Deo favente obiturum esse annuum diem quinquagesimum suscepti sacerdotii, quo auctus per decem lustra ad altare deservire potui Deo Ornnipotenti. Istius diei iam nunc memor rogo dilectos meos sacerdotes et fideles, ut mei ad altare persaepe me-