Kalocsai Főegyházmegyei Körlevelek, 1959
Index
1959. FŐEGYHÁZMEGYEI HIVATALOS KÖZLEMÉNYEK Nr. 100/1959. . Vota Archiepiscopi in exordio növi anni. Dum ultimo anni elapsi vespere in ecclesiis coadunati fideles una Nobiscum Divinae Bonitati profunda cum veneratione grates reddiderunt, primis anni nascentis diebus miserentem Iesum devota mente adeamus, ut per decursum novi anni Nos nostraque coepta larga sua benedictione prosequatur. Interim iuvat paucis verbis eos anni praeteriti recolere eventus, qui in rerum varietate maioris momenii esse videntur. Primo occurit Nobis memória apparitionis BVirginis in specu Lapurdensi, cuius anno centesimo reccurrente ingens fidelium multitudo e toto terrarum orbe coadunata inter hymnos et cantica sacra loca visitavit. Eventus miraculosi fervensque peregrinantium devotio ibidem observata frigescente iam caritate fidem vividam in mentibus multorum inflammarunt effeceruntque, ut permulti iuxta votum B. Virginis vera contritione cordis ducti novae et Deo piacentis vitae propositum conciperent. Et Nos conati sumus nosmetipsos turmis fidelium ad specum Lapurdensem orantium Mariale Rosarium devote recitando quotidie adiungere istamque piam precem in posterum quoque continuare fideliter promittimus. Recolere tenemur etiam repentinum obitum desideratissimi patris nostri PII papae XII., quem anni elapsi mense octobri piacúit Deo e vivis eripere atque ad suum paternum amplexum benigne admittere. B. m. Pontifex vitae integritate, copiosa doctrina atque admirabili eloquentia Ecclesiam Dei per duo fere decennia sui regiminis illustravit, sedulo semper adlaborans, ut suo gregi, immo toti generi humano calamitatibus dire agitato concordiam redderet ac vitae tranquillitatem. Sit memória eius apud nos et omnes terrae incolas in benedictione! Providens tamen Deus nostrum luctum ac dolorem tollens, per electionem novi pontificis Joannis Papae XXIII. naviculae B. Petri sapientem praefecit gubernatorem, cuius regimini filiali devotione Nos submittimus, avitam fidem a patribus nostris acceptam servare et posteris tradere cupientes. Meminisse liceat etiam annui diei susceptae dignitatis episcopalis, qua e dispositione Pastoris Aeterni ante sex lustra ornati fuimus. Omnem strepitum forensem sedulo vitare cupientes in ecclesia solummodo cathedrali sacrum sollemne obtulimus, gratias agentes Deo 0. M., quod Nos inter tot discrimina rerum incolumes servavit et sua gratia cumulare nunquam destitit. Confratribus, necnon fidelibus et delegatis communitatum catholicarum, qui isti sollemnicati adfuere et pro nostra salute preces obtulere, heic grates referimus imo ex corde cupientes, ut corda eorum divinae benedictionis rore copiose perfundantur. Paginis históriáé dioecesanae inferre iuvat etiam consecrationem ecclesiae in Tázlár Boldogasszony, quae amplitudine et structura exceliit cuiusque fenestrae vitro colorato instructae in ecclesiam intranti perbellum praebent aspectum. Faxit Deüs, ut etiam templorum aedificatio in Tabdi et Mélykút feliciter ad finem perducatur. Externo rerum progressui respondet etiam internae devotionis augmentum inter eos fideles, qui per anni elapsi decursum devotionibus triduanis et missionibus popularibus in paroeciis celebratis intererant, porro cantui populari inter missae sacrificium sedulo dabant operám. Ad annum currentem cupimus templorum frequentationem eorumque ornatum externum et internum inculcare, quo augmentum vitae religiosae promovere intendimus. Faveant pastores animarum suos fideles adhortari, ut domum Dei, Deum Patrem veneraturi libenter frequentent et in paramentis sacris, altaribus et statuis nitide servandis suis pastoribus efficax praestent adiumentum, quo fideles ad cultum Divinum attrahantur et dignum Deo obsequium exhibeant. Denique sacrorum curiones singularem curam impendant familiis christianis, quae vivam cellulam consortionis humane constituunt. Ad prolium religiosam institutionem saepe adhortentur parentes, quippe qui coram Deo de ista gravi obligatione rationem reddere tenebuntur. Prae oculis habeant Dei verbum: Crescite et multiplicamini et replete terram et subiieite eam (Gen. 1, 27.), atque parentes christianos monere ne intermittant, ut matrimonio iuxta leges naturae utantur et proles e manu Creatoris libenter accipiant. Modica fides hac in re parum sufficit, plena autem fiducia erga Dei providentiam miracula operatur, prouti probat exemplum eorum, qui numerosam prolem accipere et educare meruerunt. His praemissis grates referimus cunctis confratribus, qui anno elapso Nos in officio pa.storali verbo, exemplo et opere iuvare studebant, ut gregem curae Nostrae concreditum in avita fide servare valeremus. Grates referimus et fidelibus, qui in sémita salutis procedentes suis pastoribus prompto animo aurem praebebant ad retinendam sanam doctrinam et libenter suppeditabant média, quae ad sustentanda vitae religiosae instituta exiguntur. In capite novi anni infirmitate detenti et lectulo in nosocomio adstricti rogamus confratres et fideles, ut Nostri in precibus libenter ineminerint, quod cum fiducia sperantes libenter tribimus omnibus et singulis episcopalem benedictionem. Colocae, die 15 Ianuarii 1959.