Kalocsai Főegyházmegyei Körlevelek, 1939

Index

1939. ÉVI FŐEGYHÁZMEGYEI HIVATALOS KOZLEMENYEK. 9. szám. Nr. 1757. Litlerae Summi Pontificis ad populorum concordiam conciliandam. Litíeras Ssmi Domini Nostri Pii Papae XII. cd Emmum Cardinalcm a secretis stalus directas, quibus mandat, ut ad concordiam populorum conciliandam pucrorum supplicationes inducantur, per extensum hlsce communico, ut peterna vota atque hortamenta iisdem contenta modo, qui pro diversitate locorum aptior videtur, ad effectum deducantur. Pius PP. XII. Dilecte Fili Nosíer Salutem et Apostolicam Benedictionem. Quandoquidem in gubernanda Catholica Ecclesia tam prope Nobis assides, nosti profecto quam vehementer Nos exoptemus a Deoque contendamus ut, rebus animisque iustitia caritateque composiíis, christiana pax in populis ac gentibus omnibus, anxiis in praesens ac trepidis, tuta tandem aliquando ac secura stabiliatur. Ad pulcherrimum enim eiusmodi Dei munus assequendum, vixdum Supremi Pontificatus apicem atligimus, non modo omnes, quotquot in Christo habemus ubique terrarum filios paterno sumus adhortati animo, sed Nationes etiam universas earumque moderatores; quam quidem invitationem hortationemque sollemni Paschatis die iteravimus, cum in Petriana Basilica, innumerabili multitudine stipati, pontificali ritu divina litavimus hostia, concordiam omnibus tranquillitatemque a Christo Domino, mortis victore ac caelesíium largitore munerum, implorantes. In praesens vero, dum mensis Maius adventat, quo mense Christifideles peculiares preces Deiparae Virgini admovere assolent, vehementer cupimus uf hac potissimum de causa in singulis Dioecesibus in singulisque paroeciis impensissimae supplicationes adhibeantur. At eos praesertim ac nominatim ad sacram eiusmodi precum contentionem compellamus quos ut Divinus Redemptor, ita Nos, qui eius in terris personam gerimus, teneriore animo dulcissimaque caritate complectimur ; eos scilicet qui in primo aetatis flore innocentia nitent, suavirate et gratia. Ad Magnae Dei Parentis aram patres matresque tamilias filios suos, vei tenellulos cotidiano pioque more conducant ; eosque una cum viridarii sui agrorumque floribus unaque cum sua ac puellorum prece, Beatae Virgini offerant. Ac quomodo poterit caelestis Mater tot supplicantium vocibus renuere, qui pacem civibus, populis ac gentibus impetrent ? Quomodo poterit, si cum caelorum angelis nostri concinant pueruli precantes, qui veluti huius mundi angeli vocari queunt ? Innumeris videlicet exorata precibus Deipara Virgo Maria eam, quae modo omnes commovet, causam in suam tutelam accipiet; ac Divinum Filium suum, tot tantisque sceleribus offensum, benigna propitians, ab eodem christianam animis requietem fraternamque populis concordiam, sedatis rerum fluctibus, implorabit. Ac ipsémét Christus Dominus, qui dum in terris agebat, singulari prorsus amoris affectu insontem diligebat aetatem; quique apostolos a suo ipsius amplexu puerulos arcentes increpabat dicens : „sinite parvulos venire ad me ... talium est enim Regnum Dei" ; ipsémét, inquimus, Christus Dominus quasnam poterit facilius admitlere preces, quam puerorum, qui candidas innocentesque manus ad eum ad eiusque Matrem supplices atlollant? Quandoquidem igitur, ut Decessoris Nostri immortalis memoriae Leonis Magni verbis utamur, „amat Christus infantiam, quam Drimum et animo suscepit et corpore ; amat Christus infantiam, humilitatis magistram, innocentiae regulám, mansuetudinis formám"; si ubique gentium in urbibus, in oppidis, ac vei in remotioribus viculis, ubicumque Evangelii lux affulsit, ad sacras aedes per proximum mensem puerorum multitudo deprecatura accedet, fore sperandum confidimus ut meliora tempóra, mutuis restinctis simultatibus ac tranquillatis rebus animisque, populorum consortioni, auspice Deipara Virgine, arrideant. Quapropter tibi, Dilecte Fili Noster, per has litteras mandamus ut, quo aptiore duxeris modo, paterna haec vota atque hortamenta Nostra omnibus nota reddas, ita quidem ut eadem — sacris Pastoribus suasoribus ac ducibus — ad effectum feliciter deducantur. Interea vero suavissima spe freti, atque animo iam praecipientes fructus, quos ex hac puerilium precum quasi sacra contenrione orituros confidimus, cum tibi, Dilecte Fili Noster, tum iis singulis universis filiolis Nostris, sane carissimis, qui ullro libenterque hortationi huic Nostrae respondebunt, caelestium munerum auspicem paternaeque benevolentiae Nostrae testem, Apostolicam Benedictionem amantissime in Domino dilargimur. Dátum Romae, apud Sanctum Petrum, die XX. mensis Április, anno MDCCCCXXXIX, Pontificatus Nostri primo. PIUS PP. XII.