Kalocsai Főegyházmegyei Körlevelek, 1931

Index

— 2 — ^ Ipsa iubildei clie salutare me fcstinarunt Capitulum M. E. Colocensis, clerus archidioecesanus, populusque fldelis ex tota archidioecesi. Capitulum in memóriám iubilaei mei fundationem in valore 10.000 P. penes cassam parsimonialem dioecesanam deposuit in favorem eorum sacerdotum, qui in vinea Domini defessi, quieti indulgent. Aclus iste vere magnanimus laude Salvatoris iure decoratur : „Amen dico vobis, quamdiu fecistis uni ex his fratribus meis minimis, mihi fecistis." (Matth. 25, 40.) Clerus archidoecesanus obtulit mihi opus argenteum arte sculptoria pulcherrime exornatum, quod íres vitae meae episcopalis stationes exhibet, basilicam S Petri, cathedralem Quinqueecclesiensem ac ecclesiam cathedralem Colocensem. Accedit donum illud spirituálé, mihique gratissimum, quod nempe singulis anni iubilaris diebus sacerdotescontinua serie unum saltem sacrum pro mea salute et omnimoda felicitate offerent. Accedunt vota fidelium, qui nomina sua albo inferre festinantes mihi suas fervidas spondebant vovebantque preces, suum testabantur filialem amorem, ut paternum cor meum pro ipsis anxie palpitans exhilarent consolenlurque. Pro íot ac tantis amoris ac laetitiae significationibus debite grates referre imparem me revera sentiens, humili oratione divinum Salvatorem de genu exoro, ut cunctis, qui talia mihi conferebant memorata fidelitatis et amoris filialis signa, in sua bonitate copiose retribuat. Nunc demum, carissimi in Christo fideles, in capite novi anni, quando iniqua rerum oeconomicarum conditio atram curam nostrae menti in dies ingerit, statumque tum singulorum tum totius humanae societatis incertum reddere videtur, officii mei pastoralis esse duco adhortari vos omnes, ut spem vestram retineatis nec aures prebeatis iis, qui fundamenta societatis evertere conantes impia manu errores spargunt, qui sanae rationis principiis aeque ac infallibilis Ecclesiae doctrinae directe adversantur. Memores inoniti gentium Apostoli : „Adeamus cum fiducia thronum gratiae, ut misericordiam consequamur et gratiam inveniamus in tempore opportuno." (Hebr. 4, 17) Non obstante iniqua rerum conditione 1 licet nobis sperare auxiliutn divinum, si spem ac fiduciam in corde firmiter retinebimus, si justitiam atque caritatem exercere erga proximos non desinemus. Justitia est fundamentum humanae societatis, vi igitur huius virtutis debemus reddere suum cuique, quod meretur, ne iniquitas abundeí, hominesque suo jure destituti principia eversionis profiteantur conspirentque ad fundamentum societatis labefactandum. Ubi non sufficit justitia, accedat oportet virtus vere divina, caritas, quam verbis tam copiosis describit Apostolus dicens : „Caritas patiens est, benigna est. Caritas non aemulatur, non agit perperam, non inflatur, non quaerit quae sua sunt, non cogitat malum, omnia suffert, omnia credit, omnia sperat, omnia sustinet". (1 Cor, 15.) Exerceamus caritatem erga debiles, egenos ac miseros, praesertim nunc, quando apparuit benignitas ac humanitas Salvatoris nostri, ut omnes experiantur hanc vere divinam virtutem, videantque nos catholici nominis fideles non solum ore proferre, sed etiam exercere atque in praxim quoque deducere veritates evangelicas, quarum vi atque exercitio generi humano in valle lacrimarum gementi salus unice afferetur. Ita operantibus licebit nobis per decursum novi anni gustare pacem et gaudium, quae dona inquieto cordi humano attulit parvulus Iesus, qui apparuit ut cuncti per suum evangélium beatitudine vera potirentur atque redemptionis fierent participes. Ut vestri conalus optatum effectum vere obtineant, uberrimas Dei gratias cunctis implorando paternam meam benedictionem tam vobis, quam fldelibus vestris peramanter hisce impertio. Venerabili et Honorabili Clero curato pro anno currenti sequentia themata theologica elucubranda proponuntur: Semestri I. 1. E Studio Biblico V. T.: Explicetur exegetice textus psalmorum in Vesperis Dominicae occurrentium (Ps. 109-115) 2. E Theologia Fundamentali: Explicetur rectus sensus axiomatis : „Extra Ecclesiam nulla est salus." 5. E Theologia Dogmatica: Explicetur, ratione habita notionis sacrificii, quomodo sit Missa verum et proprie dictum sacrificium ? Semestri II. 1. E Theologia Mora/i: Jacobus mercator, cum se solvendis debitis suis imparem agnosceret, congregatis creditoribus quaecunque habebat eis obtulit, ne in statum ruinae totális decideret. Creditores autem, acceptata cessione, 40 crediti sui receperunt. Brevi post a patruo in America defuncto hereditatem haud exiguam accepit. Dubius, an erga creditores adhuc teneatur, Nr. 48. Themata theologica proponuntur pro clero curato.