Kalocsai Főegyházmegyei Körlevelek, 1929

Index

— 16 quae si'bi ad educandum et erudiendum concredita sunt. Itemque valde ad hanc rem valituras esse confidimus eas societates quae in nonnullis regionibus, ecclesiasticis auctoritatibus obsequentes, musicam sacram ad Ecclesiae leges restaurare contendunt. XI. Ad haec omnia, quae sperantur, adipiscenda peritis magistris iisdemque frequentissimis omnino opus est. Quo in genere, Scholis et Institutis illis, passim per catholicum orbem conditis, debitas laudes tribuimus; siquidem disciplinas huiusmodi diligenter docendo, praeceptores optimos idoneosque effingunt. Sed maxime memorare hoc loco ac dilaudare placet Pontificiam Scholam musicae sacrae altius tradendae, quae inde ab anno MCMX in Urbe a Pio X constituta est. Hanc Scholam, quam deinde proximus decessor Noster Benedictus XV studiose provexit novaque sede donavit, Nos quoque peculiari quodam favore prosequimur, tamquam pretiosa Nobis hereditate a duobus Pontificibus relictam, eandemque idcirco Ordinariis omnibus magnopere commendatam volumus. Equidem probe novimus ea omnia, quae supra mandavimus, quantum studii postulant ac laboris. At vero quis ignorat quam multa opera quamque magno artificio confecta, nullis devicti difficultatibus, maiores nostri posteritati tradiderint, utpote qui pietatis studio ac liturgiáé spiritu imbuti essent? Neque id mirum: quidquid enim ab ipsa, quam Ecclesia vivit, interiore vita proficiscitur, mundi huius perfectissima quaeque transcendit. Difficultates coepti huius sanctissimi animos Ecclesiae Antistitum excitent atque erigant nedum infringant; qui voluntati Nostrae concorditer omnes constanterque obsequentes, operam navabunt Summo Episcopo episcopali suo munere dignissimam. Haec edicimus, declaramus, sancimus, decernentes Apostolicam hanc Constitutionen! firmám, validam et efficacem semper esse ac fore, suosque plenarios et integros effectus sortiri atque obtinere, contrariis quibusvis non obstantibus. Nulli igitur hominum liceat hanc Constitutionem a Nobis promulgatam infringere vel eidem temerario ausu contraire. Datum Romae apud Sanctum Petrum, in quinquagesimo sacerdotii Nostri natali, die XX mensis Decembris anno MCMXXVIII, Pontificatus Nostri septimo. Fr. ANDREAS Card. FRÜHWIRTH, Cancellarius S. R. E. CAMILLUS Card. LAURENTI, S. R. C. Pro Praefectus. Iosephus Wilpert, decanus Coll. Proton. Apostolicoruni. Dominicus Spolverini, Protonotarius apostolicus. Loco f Plumbi Reg. in Cancellaria Apostolica, vol. XXXIX, n. 45. - M. Riggi. Quo plenius Sacratissimi Cordis Iesu Festi sollemnitas devotioni populi christiani respondent, Ssmus D. N. Pius Papa XI, litteris suis Encyclicis „Miserentissimus Redemptor", die VIII mensis Maii anno MDCCCCXXV1I1 datis, dictum festum ad ritum duplicem primae classis, cum octava privilegiata tertii ordinis, evexit, ipsum praeterea primarium declaravit et feriatis testis aequiparandum esse decrevit. Concinnatum autem a speciali Commissione, de mandato quidem eiusdem Ssmi Domini, integrum officium cum missa Sacra Rituum Congregatio approbandum censuit. Itaque facta per infrascriptum Cardinalem Sacrae Rituum Congregations ProPraefectum Sanctissimo Patri relatione in Audientia habita die 29 lanuarii 1929, Sanctitas Sua praefalum officium cum missa proprium, prouti in superiori prostat exemplo, approbare dignata est, illudque, in universa Ecclesia, ab utroque Clero et a quibuslibet recitationi Officii divini, iuxta Romanum ritum, adstrictis adhiberi iussit; servatis rubricis. Contrariis non obstantibus quibuscumque, etiam speciali mentione dignis. Die mense et anno quibus supra C. Card. Laurenti, S. R C. Pro Praefectus L. f S. Angelus Mariani, Secretarius. Simul attentos reddo P. T. Sacerdotes archidioecesis meae Officium et Missam tardius missum iri. Coloczae, die 2. Martii 1929. Nr. 852. OK. et Missa pro Festo Ssmi Cordis Iesu et eins octava. ir Julius rn. p. archiepiscopus. ÁRPAD R.-T. KÖNYVNYOMDÁJA, KALOCSA.