Kalocsai Főegyházmegyei Körlevelek, 1922

Tárgymutató

N Nr. 337. Obitus Benedicti Papae XV. Requiem pro defuncto et preces pro eligendo Summo Pontifice praescribuntur Perdolenti animo ad notitiam vestram perfero Venerabiles Fratres Filiique in Christo dilectissimi mortem Summi Pontificis, Patris nostri benignissimi amantissimique, qui susceptis pie moribundorum sacramentis die 22. m c. anno aetatis suae 68, Pontificatus vero 8-0 gloriosissimam reliquit cathedram Petri, ut — sicut pie credimus speramusque — illára cum aeterno in coelis throno commutet. Crucifixi Domini Nostri Jesu Christi Vicarius — dum viveret — crucem continuo in corde ferebat, nam inde a prima suppremi pontificatus die usque ad extremum vitae halitum agnorum oviumque gemitum sub dirissimo bello cruciatorum audire coactus erat His succurrere volens semper in eo erat, ut pacem ocyus com poneret, captivorum dolorem leniret, miseros juvaret Neminem nisi Deum timens potentes iteratis provocavit vicibus, ut bello infelicissimo finem impor.erent. Nulli litigantium parti patro cinans libenter calumnias, odiumque illoru'n sustulit, qui Eundem in suas partes trahere conabantur. Miserrimam nationem nostram nemo majori quam lile prosequebatur amore, in cujus tesseram nuncium suum nobis cito misit, thesaurosque ecclesiae in usum pauperum impendit divisitque, item jura nostra contra victorum fastum praepotentiamque defendit. Verba mihi desunt, ut gratitudinem nostram pro Codice Juris Canonic

:, quo nos donavit, exercitium regiminis ecclesiastici allevavit ordinavitque, digne, aequeque manifestem. Pauperiores sacerdotes missarum stipendia acceperunt, fideles vero fere cujuslibet parochiae archidioecesis nostrae tam in victualibus, quam in vestibus, vei in pecunia subsidium optimi Patris nostri experti sunt. Vere dignus, cujus memória in benedictione sit cordibu^que nostris impressa maneat. Occasione exequiarum sequentia dispono: 1. Ubi primum hae Circulares ad Venerabilem Clerum Saecularem ac Regularem Archidioecesis hujus pervenerint, obitus Summi Pontificis e sacro suggestu publicetur et tribus continuis diebus meridie et vespere per dimidium horae spatium campanae pulsentur; 2. fidelibus praevie congrue edoctis ac una cum magistratu ac corporationibus Catholicis invitatis sacrum sollemne de Requiem cum Libera pro refrigerio animae defuncti summi Pontificis celebretur; 3. omnes sacerdotes Archidioecesis meae saltem unum sacrum pro defuncto Pontifice Maximo offerre meminerint; 4. die 2q m. h. celebretur Missa Sollemnis pro eligendo Novo Pontifice, quae habetur in Missali post Votiva 1?. M. V. «Suscitabo mihi Sacerdotem,» in fine missae cantetur Veni Sancte, cum versiculo et oratione; 5. usque ad certam de terminata electione Pontificis notitiam post sacrum Conventuale et Parochiale, ter Páter et Ave recitetur. 6. Ipse autem Venerabilis Clerus ufque ad electionem novi Pontificis sumat Collectam e Missa «Suscitabo mihi Sacerdotem» ut supra. Deus exaudiat preces fidelium, dirigat corda mentesque eligentium, et consoletur ac protegat ecclesiam Suam. Coloczae die 23. Jan. 1922. Leopoldus tn. p. archiepiscopus. ÁR?AO R.-T. KÖ- iYYNYOMDÁJA, KALOCSA.