Kalocsai Főegyházmegyei Körlevelek, 1922

Tárgymutató

Nr. 575. De electtone Summi Pontificis Pii Papae XI. IV. Laetus annuntio Vobis, Venerabiles Fratres, Filiique in Christo Dilectissimi gaudium magnum: habemus Papam ! Omnipotentis Dei misericordia non reliquit nos diu orphanos, sed per auxilium Spiritus Sancti, quem usque in finem saeculorum nobis certum ducem et patronum promisit, dedit Pontificem Maximum, Domini Nostri Jesu Christi in terris Vicarium, Sanctissimum Dominum prius Achillem S. R. E. cardinalem Ratti, archiepiscopum Mediolanensem. Habemus Papam, qui infallibili magisterio ducet, in via salutis pabulo sanae doctrinae nutriet, móres componet, regnis pacem, perturbatis animis quietem afférét, fidem intrepide annuntiet, spem nostram eriget, amorisque diffusionem secundum SS. Cor Jesu procurabit firmabitque. Habemus Papam continuae Providentiae Divinae tesseram, a quo omnis potestas in eccle sia Dei emanat, cujus manus claves regni coe lórum quoque custodiunt. Habemus Papam patriae nostrae inde ab incunabulis ejusdem fautorem patronumque potentissimum, a quo in tristissimis quoque temporibus tanto majora accepimus adjumenta, quo magis presserunt nos adjuncta, a quo corona nostra fulgorem, sancti nostri ecclesiae universalis honorem, leges firmám basem acceperunt. Habemus Papam, amoris plénum, ad quem in singulis archidioecesis nostrae negotiis fiducialiter nosmet convertimus, ut pro Sua benignitate et studio, quae erga oves Christi in corde fovet, quidquid nobis proficuum censuerit, libenter conferat tribuatque. Secunda jam vice incumbit mihi officium, ut laetum vobis nuntium dicam: habemus Papam ! Utinam diutius ac antecessori vitae usura Sanctissimo Domino perfrui liceat; ut annos Petri videat; de feliciori beatiorique ecclesiae per orbem diffusae statu laetetur; ut vulnera bellis novissimis inflicta penitus sanata cernat, fidelesque ex uno quasi ore canant: quam bonum, habitare fratres in unum per totum terrarum orbem, Christi sanguine redemptos. Christe Redemptor, exaudi preces nostras, quas in hac lacrymarum valle gementes ad Te profundimus ! Monstra Te esse patrem, qui morte Tua nos redemisti, Vicarium constituisti et fac, ut laeti eodem duce Tibi servire inoffensoque pede saeculum hocce trausire valeamus. Paterne hortor Vos Venerabiles Fratres Filiique Dilectissimi, ut de felici S. Pontificis electione fideles proxima Dominica certiores reddatis, ante missarum sollemnia vero, ad quae magistratus corporationesque catolicae invitandae sunt, Te Deum cum versiculo et Oratione celebretis, abhinc vero in canone Missae nomen Pii Papae XI. pronuncietis. Coloczae die 6. Febr. 1922. Leopoldus m. p. archiepiscopus. ÁRPÁD R.-T. KÖNYVNYOMDÁJA, KALOCSA.