Kalocsai Főegyházmegyei Körlevelek, 1914

Index

— 15 III. Nr. 1561. DECRETUM Indulgentiae et privilegia exp. SS. Sacramenti adnexa. de indulgentiis et privilegiis expositioni SSmi Sacramenti adnexis. /\ ugetur in dies, auspicatissimo fervore, fidelium desiderium, publice expositum adorandi SSmum Eucharistiae Sacramentum, eadem mente qua iam vetus, a XL Horis nuncupatum, institutum almae Urbis ordinatur, et non dissimili apparatu. Attamen plurimae solent ad Apostolicam Sedem supplicationes porrigi, ut a Clementinae, quam vocant, Instructionis, ad rem datae nonnullis conditionibus dispensetur, pro rerum locorumque adiunctis, praesertim vero ut nocturno tempore oratio et expositio ipsa interrumpatur, sive consuetis servatis indulgentiis ac privilegiis, sive novis peculiaribus attributis. Hisce mature consideratis SS. D. N. Pius div. prov. Pp. X, quamvis summopere exoptet, ut res iugiter ad tramitem Clementinae Instructionis componatur, maiori tamen prospicere volens fidelium emolumento, et ampliori cupiens animarum in Purgatorio degentium providere suffragio, plurimorum inclinatus sacrorum Antistitum voto, de Emorum Patrum Cardinalium Generalium Inquisitorum consulto, feria V die 22 ianuarii 1914, ita decernere ac indulgere dignatus est: I. Confirmantur indulgentiae, quae per s. m. Pium Pp. IX, die 26 novembris 1876. pro Urbanis XL Horarum, vei ad earum tramitem ubilibet habendis, expositionibus determinatae sunt, ac privilegia altarium, per s. m. Pium Pp. VII, die 10 maii 1807, concessa. II. Permittitur tamen ut ubi exercitium XL Horarum, iudice Rmo loci Ordinario, fieri nequeat prout ab Instructione Clementina exigitur, sit satis, ad effectum indulgentiarum et privilegii obtinendum, primo die sanctissimum Sacramentum quacumque bora matutina, vei circa meridiem, publicae venerationi in ostensorio exponere, et perdurante ipso die et per diem alterum eiusmodi expositione. die tertio, meridie aut de sero, Idem, deponere, quamvis noctu expositio interrumpatur. III. Si aliquibus precibus vei exercitiis, quae a memoratis differant, sive publice sive privátim in ecclesiis vei oratoriis quibuslibet peragendis, eadem adnexa sunt induigentiae ac privilegia quae sub n. I. citantur, quomodocumque concessa fuerint, penitus abrogantur. IV. Ubi continua habetur almi Sacramenti solemnis item in ostensorio expositio, saltem per mensem, etiamsi de nocte interrupta, plenariam christifideles, confessi ac s. Synaxi refecti, et ad mentem Summi Pontificis pie orantes, indulgentiam assequi valeant, semel tantum in singulis hebdomadis; septem autem annorum et totidem quadragenarum, in alia quacumque, corde saltem contrito peragenda visitatione. Celebrantibus vero sacrosanctum Missae sacrificium in eadem ecclesia vei oratorio. privilegio altaris, in defuncti alicuius levamen, die quolibet gaudendi esto potestas. V. Quotiescumque demum diverso modo provisum minimé sit de aliqua indulgentia acquirenda, pro quavis alia venerabilis Eucharistiae palam expositae visitatione, tribuitur, quoties haec, corde saltem ; contrito, peragatur, indulgentia septem annorum totidemque quadragenarum.