Kalocsai Főegyházmegyei Körlevelek, 1914

Index

ominus vitae et mortis, Rex Regum et Dominus Dominantium fidelem servum suum Pium X. Pontificem Maximum e medio aerumnarum et tribulationum ad meliorem vitám evocare dignatus est. Admirabilis Ecclesiae Nostrae Romano Catholicae Summus Pastor, indefessus Restaurator disciplinae ecclesiasticae, piissimus Dei Eucharistici Zelator, doloribus, quibus totus orbis ingemiscit, et infirmitate pressus, die 20-a currentis mensis Augusti, mortem sibi adpropinquare videns, moribundorum Sacramentis confortari voluit, iisque devotissimo animo susceptis, hora 2-a matutina animam suam Creatori reddidit. Princeps Pastorum Jesus Christus huic suo fidelissimo ministro tribuat immarcescibilem gloriae coronam! Dum lugubre hoc nuntium maximo animi moerore ad notitiam Venerabilis Cleri fidelisque populi Archidioecesis meae moestus perfero, pro condigne celebrandis exequiis sequentia dispono: 1-o. Ubi primum hae Circulares ad Venerabilem Clerum Saecularem ac Regularem Archidioecesis hujus pervenerint, obitus Summi Pontificis e sacro suggestu publicetur et per mediae horae spatium omnes pulsentur campanae. 2-0. Die 26-a Augusti post pulsum meridianum, porro hora 5-a et post pulsum vespertinum fiat iterum pulsus campanarum omnium, singula vice per V2 horam. 3-0. Die 27-a Augusti celebretur Solemne Sacrum de Requiem pro Pontifice, ad quod invitandi erunt jurisdictiones magistruales et Corporationes Catholicae. 4-0. Die 31-a Augusti celebretur Missa Solemnis pro eligendo novo Pontifice, quae habetur in Missali post Votiva B. M. Virginis „Suscitabo mihi Sacerdotem", in fine Missae cantetur „Veni Sancte", cum versiculo et oratione.