Kalocsai Főegyházmegyei Körlevelek, 1913

Index

— 28 -Nr. 786. Quaestiones quoad emigrantes et immigrantes. Doininationis Tuae Reverendissimae humillimus in Christo famulus, f Th. Lud. Ep. Namurcen., praeses. íSacra Congregatio Consistorialis, cui ex novissima SSmi D. N. Papae dispositione cura spirituali fidelium emigrantium bono invigilandi demandata est, ad apta in hoc magni momenti negotio remedia procuranda generalem ante omnia comparare conspectum de emigrantium et immigrantium numero variisque circumstantiis cupit. Ad quem finem assequendutn aliquas tum quoad emigrationem, tum quoad immigrationem ad locorum Ordinarios misit quaestiones, quas cum eo hisce communico, ut DD. Curati congrua responsa usque ad finem mensis Mártii mihi exhibeant. I. Quaesita quoad emigrationem: 1. Quot circiter numerantur emigrati, qui adhuc civitatem in loco originis retinent: qui numerus quotannis, habita ratione ultimi quinquennii, emigrare sólet. 2. Quo plerumque se conferunt, tum cum emigrant ad exteras nationes; tum si agatur de emigratione ad alia loca nationis propriae. 3. Agiturne saltem ordinario de emigratione temporanea. 4. Proficiscunturne integrae familiae, an viri et mulieres, pueri et puellae seorsim uti singuli, an etiam catervatim. 5. Qua de causa emigrant. 6. An in paroeciis, unde emigrantes in notabili saltem numero solent discedere, parochi solliciti sint ut hi sacramentis ante discessum reficiantur, eosque salutaribus monitis et opportunis consiliis et libris muniant ut a perversione praeserventur. An et qualem curam de ipsis habeant etiam in emigrationis loco. 7. Qui ex locis immigrationis in pátriám redeunt, quales sint fide et moribus. Utrum paroeciae et oppida ex emigratione dispendia moralia et religiosa patiantur. Redeuntes ex emigratione jam passi in fide dispendium, an plerumque ad fidem et ad officia religiosa redeant, an non. 8. Si quod consilium habeatur in bonum praesertim morale et religiosum emigrantium, si quod opus suscipi utiliter possit in eorum salutem sive ante discessum, sive durante itinere, sive in loco emigrationis, illud suggeratur. II. Quaestiones quoad immigrationem: 1. Dicatur saltem proximo modo quot habentur in ista parochia catholici viri et mulieres ex exteris regionibus immigrati, qui in ista regione stabilem sedem adhuc adepti non sunt, nec linguam loci plene callent, sed exteri cives adhuc censentur. 2. An habeantur inter eos pueri et puellae seorsim a parentibus. 3. Dicatur, ex quibusnam regionibus potissimum proveniant: et, si fieri potest, fiat recensio numeri immigratorum juxta varias linguas et nationes. 4. Cuinam operi addicti sint, an scilicet agris excolendis, commercio, operibus publicis, ut puta, viis sternendis, metallis eruendis, aedificiis extruendis etc. Utrum eorum immigratio sit temporanea, an non. 5. Quaenam sit conditio civilis, oeconomica et morális horum immigratorum juxta varias linguas et nationes. Potissimum vero examinetur et dicatur, an et qua mensura in rebus fidei sint edocti, et an christianam vitám ducant. 6. An immigrati frequentes sint necne sacris functionibus. Et si non, quaenam sit causa. Quid fieri possit et quid de facto fiat ut ad meliora consilia vocentur. 7. Utrum immigrati filios suos et filias ad scholas mittere ;soleant, et catholicas praeferant: an adsint quoque qui ad acatholicas vei laicas seu neutras eos mittant; et in quo numero; et hujus rei quaenam sit causa; et quid fieri possit, et de facto fiat ad tantum malum avertendum. Coloczae, die 12. Februarii 1913.