Kalocsai Főegyházmegyei Körlevelek, 1912

Index

45 IX. Nr. 1798. DECRETUM Iusiurandum examinato•um synodalium et parochorum consultorum. circa iusiurandum examinatorum synodalium et parochorum consultoium. Cum non nulla dubia orta essent circa modum, tempus ac tenorem iurisiurandi ab examinatoribus synodalibus praestandi cum adhibentur ad videndas causas amotionis parochorum iuxta decretum Maxima cura, SSmus D. N. Pius PP. X. ad haec diluenda dubia, de consulto Emorum Patrum Sacrae huius Consistorialis Congregationis, statuit ac decrevit ut in posterum tam examinatores synodales quam parochi consultores, qui Episcopo sociantur in amotionis decreto ferendo vei in eiusdem decreti revisione, singulis vicibus, in prima sessione, sub poena nullitatis actorum, iusiurandum prout in formula heic adiuncta praestare teneantur. Idque per praesens decretum S. C. Consistorialis constitui ac promulgari iussit, contrariis quibuslibet non obstantibus. Dátum Romae, ex aedibus Sacrae Congregationis Consistorialis, die 15. Februarii 1912. C. Card. De Lai, Episc. Sabinen., Secretariús. L. f S. Scipio Tecchi, Adsessor. Formula Adhibenda. „Ego N. N. examinator (vei parochus consultor) synodalis (vei prosynodalis) spondeo, voveo ac iuro munus et officium mihi demandatum me fideliter, quacumque humana affectione postposita, et sincere, quantum in me est, executurum: secretum officii circa omnia quae ratione mei muneris noverim, et maximé circa documenta secreta, disceptationes in consilio habitas, suffragiorum numerum et rationes religiose servaturum: nec quidquam prorsus, occaL1TT. CIRC. 1912. sione huius officii, etiam sub specie doni, oblatum, nec ante nec post, recepturam. „Sic me Deus adiuvet et haec sancta Dei Evangelia, quae meis manibus tangó." Coloczae, die 25. Mártii 1912. DECRETUM circa relationem super modernismo a locorum ordinariis S. Sedi exhibendam. Dubitantes nonnulli Sacrorum Antistites num ipsi duplicem teneantur relationem super modernismo Apostolicae Sedi exhibere, id est alteram quolibet triennio, a constitutione Pascendi dominici gregis die 8. Septembris 1907. et a Motu proprio Sacrorum Aníistitum die 1. Septembris 1910. praescriptam; alteram vero singulis quinquenniis una cum relatione de statu suae dioecesis iuxta huius S. Congregationis decretum A remotissima Ecclesiae aetate diei 31. Decembris 1909. rein S. Sedi subiecerunt dirimendam. Quum autem subsignatus Cardinalis Secretariús id SSmo Dno nostro Pio PP. X. retulisset, hic, ad omnem animi anxietatem ac dubitationem tollendam, declarare et, quatenus opus sit, statuere dignatus est, locorum Ordinarios, quo anno relationem de statu suae ecclesiae peragunt, simul satisfacere posse obligationi quae ex supra memoratis constitutione Pascendi dominici qregis et Motu proprio Sacrorum Antistitum exoritur, atque idcirco relevari ab onere exhibendi triennalem relationem super modernismo ibidem statutam: idque per praesens decretum S. Congr. Consist. constitui et promulgari iussit: contrariis non obstantibus quibusvis. Dátum Romae, ex Secretaria eiusdem S. Congregationis, die 25. mensis Januarii Nr. 1799. Relatio super modernismo a locorum ordinariis S. Sedi exhibenda. 9