Kalocsai Főegyházmegyei Körlevelek, 1912

Index

— 33 — constituemus. Interim, opportunitatem hanc nacti, nonnulla iam in praesenti instauranda censuimus prout in appositis Rubricis praescribitur: atque imprimis quidem ut in recitando Divino Officio Lectionibus statutis sacrae Scripturae cum Responsoriis de tempore occurrentibus debitushonor frequentiore usu restitueretur; dein vero ut in sacra Liturgia Missae antiquissimae de Dominicis infra annum et de Feriis, praesertim quadragesimalibus, locum suum recuperarent. Itaque, harum auctoritate litterarum, ante omnia Psalterii ordinem, qualis in Breviario Romano hodie est, abolemus eiusque usum, inde a Kalendis Ianuariis anni millesimi nongentesimi decimi tercii, omnino interdicimus. Ex illo autem die in omnibus ecclesiis Cleri saecularis et reguláris, in monasteriis, ordinibus, congregationibus, institutisque religiosorum ab omnibus et singulis, qui ex officio aut ex consuetudine Horas canonicas iuxta Breviárium Romanum, a S. Pio V. editum et a Ciemente VIII., Urbano VIII., Leone XIII. recognitum, persolvunt, nóvum Psalterii ordinem, qualem Nos cum suis Regulis et Rubricis approbavimus typisque Vaticanis vulgandum decrevimus, religiose observari iubemus. Simul vero poenas in iure statutas iis denunciamus, qui suo oíficio persolvendi quotidie Horas canonicas defuerint; qui quidem sciant se tam gravi non satisfacturos officio, nisi nostrum hunc Psalterii ordinem adhibeant. Omnibus igitur Patriarchis, Archiepiscopis, Episcopis, Abbatibus ceterisque ecclesiarura Praelatis, ne Cardinalibus quidem Archipresbyteris patriarchalium Urbis basilicarum exceptis, mandamus, ut in sua quisque dioecesi, ecclesia vei coenobio Psalterium cum Regulis et Rubricis, quemadmodum a Nobis dispositum est, constituto tempore inducendum curent: quod Psalterium quasque Regulás et Rubricas etiam a ceteris omnibus, quoscumque obligatio tenet recitandi vei concinendi Horas canonicas, inviolate adhiberi ac servari praecipimus. Interim autem cuilibet et capitulis ipsis, modo id maior capituli pars sibi piacere ostenderit, nóvum Psalterii ordinem, statim post eius editionem, rite usurpare licebit. Haec vero edicimus, declaramus, sancimus, decernentes has Nostras litteras validas et efficaces semper esse ac fore, non obstantibus constitutionibus apostolicis, generalibus et specialibus, ceterisve quibusvis in contrarium facientibus. Nulli ergo hominum liceat hanc paginam Nostrae abolitionis, revocationis, permissionis, iussionis, praecepti, statuti, indulti, mandati et voluntatis infringere, vei ei ausu temerario contraire. Si quis autem hoc attentare praesumpserit, indignationem omnipotentis Dei, ac beatorum Petri et Pauli, Apostolorum eius, se noverit incursurum. Dátum Romae apud S. Petrum anno Incarnationis Dominicae millesimo nongentesimo undecimo, Kalendis Novembribus, in festő Sanctorum omniura, Pontificatus Nostri anno nono. — A. Cardinalis Agliardi, S. R. E. Cancellarius. Fr. Seb. Cardinalis Martinelli S. R. C. Praefectus. — (Loco f Plumbi.) Visa: M. Riggi G. A., Not. RÜBRICRE IN REC1TATIONE D1VINI OFFICII ET IN MISSARUM CELEBRATIONE SERVANDAE AD NORMÁM CONSTITUTIONISAPOSTOLICAE „DIVINO AFFLATU." TITULUS I. De ratione Divini Officii recitandi iuxta nóvum psalterii ordinem. 1. In recitatione Divini Officii, iuxta Romanum Ritum, Psalmi quotidie sumendi sunt, ad singulas Horas canonicas, de occurrente hebdomadae die, prout distribuuntur in Psalterio noviter disposito; quod deinceps, loco veteris dispositionis,