Kalocsai Főegyházmegyei Körlevelek, 1911

Index

— 67 — tiae principiis innixa ultimas Vos jubet occupare sedes nb illo mox, quem vocantem sequimini exaltandos et ad prima subsellia promovendos. Magnó mihi gaudio est archidioecesim nostram opera vestra non esse destitutam, imo prouti bellidux nihil magis quam quo numerosiorem expeditorum bellatorum desiderat cohortem, ita praesuli ecclesiae quoque gratissimum semper esse debet, si quam plurimos habeat, qui desideriorum terrenorum deposita sarcina ruptisque cum mundo necessitudinis vinculis, vere expeditos ad debellandam mundi nequitiam semet probent milites. Jamvero quis dubitet, quin familiae religiosae in prima semper ecclesiae militantis decertaverint acie. Hae sane lectissimas illas constituunt auxiliares Christi militum turmas, quae maximo tum christianae tum civilis reipublicae usui ornamento atque praesidio semper fuerant. Quot viris doctrinae copia insignibus, quot feminis virtutum ornatu et sanctitatis glória fulgentibus, ardenti in Deum et homines amore ílagrantibus vestrae claruerint familiae; quanta in exantlandis pro Christo laboribus, in propagandis ac defendendis fidei veritatibus, in barbaris populis ab errorum tenebris, morum feritate ac vitiorum coeno ad veritatis lucem, virtutis cultum humanioremque vitám traducendis, in litteris artibusque excolendis, in juventute ad pietatem et honestatem fingenda, in errantibus ad salutis tramitem revocandis, in captivis liberandis, aegrotis fovendis, in miseris ac egenis sublevandis, in parvulis ad Christum ducendis, quanta inquam in hisce omnibus, plurimisque aliis heroicis operibus familiae vestrae, sibi collegerint merita exegerintque monumenta aere perenniora, nulla non testatur históriáé pagina. Nonne ardet cor vestrum cum coruscantes splendoris praedecessorum radii vestros feriunt oculos ! Ardeat sane exardescatque cor vestrum ad emulanda hujuscemodi charismata meliora! — lile, quo in juventutem educandam feror, animus me urget, ut ad Vos, gymnasiis, aliisque scholis curandis adlectos peculiaria facere verba non omittam. In hisce etenim scientiarum palaestris ea jam traduntur doctrinarum capita, quaeiniqua mente proposita plurimum ad fidem e cordibus juvenum eradicandam moresque corum subruendos efficere possunt. Vos igitur. quibus ut verbis concilii nostri provinciális utar,

1) persuasum est omnem a scholis salutem promanare et proruere tam sanctae, quam profanae reipublicae perniciem, ita munere vestro perfungamini, ut spiritum Christi scientiae copuletis nihilque intentatum relinquatis, quod ad mentes pariter ac corda coelestis patriae desiderio inflammanda conferat. Sed nihil etiam intermittatis, quod ad cumulatum vestrarum legum cultum pertineat, ut quos unigenitus Dei filius sibi elegit, illi omnium virtutum gemmis exornati procedant. Nunquam plus, quam in praesentiarum tum ecclesia, tum mundus indiguisse videtur vitae religiosae exemplis. Dominantem superbiam obedientia superabitis. Insatiabilem voluptatem et divitiarum sitim paupertate vincetis. Grassanti morum corruptelae occurret sancta virginitas, quae in admirationem rapuit gentes et cui reverentiam et admirationem nec illi denegare queunt, qui in coeno vitiorum volutantur. — Vos autem sacratae Deo virgines, quas Unigenitus Dei Filius arcto sibi copulavit nuptiali foedere, quaeve qua sponsae Christi in asceteriis vestris commoramini, tam religiose ducatis vitám vestram, ut bonus odor virtutum universam archidioecesim pervadat. Perlustrato grandi, quae ad proelia salutis proelianda a Domino acceperam exercitu, animatisque zelo Domini et ad fortiter pugnandum admonitis singulis exercitus turmis, ad calcem primarum harum, quos ad vos dimisi pastoralium litterarum, *) Tit. V. cap. un.