Kalocsai Főegyházmegyei Körlevelek, 1911

Index

— 138 — minum, qui, nativam omnem libertatem opprimentes, perniciem patriae caeco impetu moliuntur. Illud autem spem Nobis auget simulque consolationi est, quod videmus sacrorum Antistites Clerumque Lusitaniae, praeeunte omnibus Patriarcha dignissimo, summe cohaerere cum hac Apostolica Sede: eosque potius, quam suo desint muneri officiique religionem violent, spoliationes, contumelias, carceres, denique detrimenta omne genus obire, costantia mirabili. Iam vero, dum inimica vis, móres et instituta christiana subruendo, homines ac civitates in exitium impellit; dum pestis Modernistica, íücata colore scientiae, serpit callide, virusque Naturalismi mentibus instillando, quasi quodam gelu contrahit animos, interea benignitas admiranda est miserentis Dei, qui devios revocare ad frugem parat, novo excitato quasi incendio christianae caritatis. Sane non est quod desperemus de salute communi, cum studia catholicorum in Sanctissimam Eucharistiam tantopere ubique gentium inílammari cernimus. Innumerabiles iam ex utroque sexu sunt homines, iique non adulci modo, sed adulescentuli etiam et pueri, qui cum Sacramentum augustum assidue colunt piissimeque diligunt, tum de ipso frequenter, non sine praeclaro fidei et virtutum ceterarum fructu, participant. Mirum quantum eodem conferunt conventus illi Eucharistici, quos catholici homines quotannis ex omnibus partibus confluentes celebrare solent. Hoc autem in genere post coetus et Coloniensem et Londinensem et Marianopolitanum, splendidissime actos uberrimoque exitu, is qui proximo tempore habitus est Matriti, non minus exstitit et ad splendorem et ad utilitatem memorabilis. Scilicet ea res agebatur, in qua non deceret Hispániám catholicam cuiquam interiorem esse excitatis igitur omnium animis in liberam et ardentem professionem traditae a majoribus fidei, visa est per eos dies gens Hispanica universa se supplicem ad pedes Jesu Christi mystice latentis abiicere. Aderant quotquot sunt civitatis ordines, ab imis ad summos, frequentia maxima: elucebat autem omnibus exemplo ipse cum augusta Domo Rex Catholicus. Is quidem et voce et factis publicum mansurumque edidit pietatis documentum: sed hoc ipso et laudes sibi comparavit bonorum omnium, et causam dedit civibus, quare studiosius eum colerent et observarent. Quid igitur in rebus religiosis vere sentiat Hispania, hic tam aperte ab ea declaratum est, ut nihil possit esse manifestius. Nempe affirmatissime testata est, non se nomine et professione tenus, at sincere et funditus esse catholicam, constanterque hanc fidem velle retinere. itaque si quid ipsa anhelat, non illud profecto anhelare dicenda est et cupere, ut nefastae condantur leges, quae Religionis instituta, Ecclesiaeque praerogagativas et jura offendant; sed omnino hoc, ut integra conserventur vetustae necessitudinis vincula, quibus cum Sede Apostolica conjungitur. Respiciat Deus, precamur, benignus nationem Nobis carissimam, et avertat mala, quae ad tranquillitatem fortunamque ejus labefactandam appetere videntur. Coloczae, die 14. Decembris 1911. J3ispensationes in lege abstinentiae juxta facultatem ab Apostolica Sede obtentam concessae et Circularibus ordinibus ddto 11. Februarii 1906. nro 806. publicatae ad annum 1912. quoque extenduntur. Qua de re P. T. Animarum Curatores fideles suos congrue edocere meminerint. Coloczae, die 19. Decembris 1911. \ oto commissionis eatenus deputatae conformiter pro elucubratis thematibus theologicis a. 1910. propositis subsidii respective praemii instar sequentibus sacerdotibus 200 et 100 coronas resolvo. Nr. 6513. Dispensatio in lege abstinentiae pro a. 1912. Nr. 6418. Subsidia et praemia pro elucubratis thematibus a. 1910.