Kalocsai Főegyházmegyei Körlevelek, 1910
Index
154 quam insitum unicuique sensum rerum caelestium, cui minimé res ipsa respondeat, Nos quidem refellimus jani atque damnavimus errorem funestissimum, quo fatalis via sternitur ad veri nominis despicientiam incuriamque rerum ad religionem spectantium quam indifferentismum vocant, vix dissimulatam fucatis verbis a rhetorum officina petitis. Haec lenocinia atque hae simulationes ingenii ad inventionem excolendi et critices artis exercendae, quae mire inserviunt erroribus disseminandis aut facilius divulgandis, haec pompa sententiarum ad incautos lectores decipiendos, existimari debent uti arma omnium funestissima ad falsi tutelam et ad oppugnationem veri. Oportet igitur omnes, quicumque haud inani gloriantur nomine catholicorum, insidias hasce denuntient repellantque viriliter. Qua in re nemo sane poterit melius ferre suppetias quam juventutis institutores et auctores operum edendorum. Campus enim his patet latissimus, in quo possint subtile judicium atque elegáns, idemque pláne catholicum, in animis adulescentium inserere, proposito exemplo scriptorum qui ex eo numero immortalem sibi famam pepererunt; aut causam litterarum a catholico sensu prodeuntium suscipere contra novissimum agmen iniquo animo scriptitantium; aut, si cui Deus hanc facultatem concesserit, addere se scriptorum numero probe de religione sentientium. Hujusnavitatisexemplum, quod ipse, dilecte Fili, praebuisti nobilissimum, incitarnento sit ceteris. Nobis gratissimum est praeclaram operám tuam pro Christo et Ecclesia impensam, excellens ingenium exquisitamque doctrinam, in obsequium veritatis collata contra erroris astutiam, publica laude honestare. Caelestis autem pignus mercedis, eademque excitatrix ad continuanda praelia Domini, sit Apostolica Benedictio, quam tibi, dilecte Fili, paterno animo effusoque impertimus. —- Dátum Romae, apud Sanctum Petrum die XV. mensis Septembris, anno MDCCCCX. Pontificatus Nostri octavo. P1US PP. X. Coloczae, die 12. Octobris 1910. Pro complendo beneficio parochiali Felsőszentiván per resignationem Joannis Barich administratoris a die 1-a Novembris a. c. de jure et facto vacante concursum usque ad 15-am mensis Deceinbris a. c. cum eo hisce indico, ut illud, juri patronatus heredum Comit. Felicis Zichy Ferraris obnoxium, consequi cupientes et examine concursuali probati recursum suum ordinariatui archiepiscopali suo tempore exhibeant. Coloczae, die 22. Octobris 1910. Nr. 5182 Felsőszentiván. Concursus pro parochia. Julius m. p. archiepiscopus.