Kalocsai Főegyházmegyei Körlevelek, 1910

Index

Nr. 2968. Consociationi Sacerdotum in honorem SSmi Cordis Jesu conceduntur plenariae et partiales indulgentiae in perpetuum. sacerdotium, passionem, mortem et resurrectionem vaticinati sunt; ac proinde rejicienda prorsus eorum sententia sit, qui indolem psalmorum propheticam ac messianicam pervertentes, eadem de Christo oracula ad futuram tantum sortem populi electi praenuntiandam coarctant? Resp. Affirmative ad utramque partém. Die autem 1. Maji 1910. in audientia utrique Rmo Consultori ab actis benigne concessa, Sanctissimus praedicta responsa rata habuit ac publici juris fieri mandavit. Romae, 1. Maji 1910. Fulcranus Vigouroux, P. S. S., Laurentius Janssens, 0. S. B. Ccnsultores ab actis. Coloczae, die 30. Maji 1910. PIUS PP. X. Ad perpetuam rei memóriám. — Laeto accepimus animo in plures dioeceses propagatam esse sacerdotum in honorem SSmi Jesu Cordis Consociationem, quam presbyteri saeculares, ab ipso SSmo Jesu Corde nuncupati ubique de Ordinariorum consensu instituere hoc consilio student, ut cultus erga illud divinae caritatis principium et fontem magis magisque crescat in dies, atque Ei frequentes amoris ac reparationis actus offerantur. Hujusmodi igitur Sodalitatem, quo majora in Deo incrementa suscipiat, precibus dilecti filii Leonis Dehon, supremi Moderatoris ejusdem Congregationis, benigne exceptis, caelestibus Ecclesiae thesauris libentes locupletamus. Quare de Omnipotentis Dei misericordia ac Beatorum Petri et Pauli Apostolorum Ejus auctoritate confisi, omnibus ac singulis sacerdotibus, qui dictam Consociationem in posterum ingredientur, die primo eorum ingressus, si vere poenitentes et confessi Sacram Synaxim sumpserint. plenariam ; ac tam descriptis quam pro tempore describendis in eadem Consociatione sodalibus in cujuslibet eorum mortis articulo, si vere poenitentes et confessi ac S. Communione refecti, vei, quatenus id facere nequiverint, nomen Jesu ore, si potuerint, sin minus corde devote invocaverint et mortem tamquam peccati stipendium de manu Domini patienter susceperint, etiam plenariam; nec non iisdem nunc et pro tempore existentibus sodalibus, vere item poenitentibus et confessis ac S. Communione refectis, qui Ecclesiam vei publicum oratorium feria sexta post octavam sollemnitatis SSmi Corporis Christi, et festis purissimi Cordis Mariae, S. Joseph Ejus castissimi Sponsi, S. Michaélis Archangeli ac S. Joannis Apostoli et Evangelistae a primis vesperis, pariterque omnibus feriis sextis, quae primis singulis mensibus recurrunt, ab ortu ad occasum solis diei hujusmodi, devote quotannis visitaverint, ibique pro christianorum Principum concordia, haeresum extirpatione, peccatorum conversione ac S. Matris Ecclesiae exaltatione pias ad Deum preces effuderint, quo die praedictorum id egerint, plenariam similiter omnium peccatorum suorum indulgentiam et remissionem misericorditer in Domino concediraus. Praeterea eisdem sacerdotibus sodalibus quoties formalem actum caritatis et reparationis erga SSmum Jesu Cor expleverint, septem annos totidemque quadragenas; quoties denique, hac eadem amoris et reparationis mente, quemvis pietatis actum peregerint, trecentos dies de injunctis eis seu alias quomodolibet debitis poenitentiis in forma Ecclesiae consueta relaxamus. Quas omnes et singulas indulgentias ac poenitentiarum relaxationes etiam animabus Christifidelium in Purgatorio detentis per modum suffragii applicari posse misericorditer in Domino largimur, plenaria tamen indulgentia excepta in mortis articulo lucranda. In contrarium non obstantibus quibuscumque. Praesentibus perpetuo valituris. Volumus autem, ut praesentium litterarum transumptis, seu exemplis etiam impressis, manu alicujus notarii publici subscriptis et sigillo personae in ecclesiastica dignitate