Kalocsai Főegyházmegyei Körlevelek, 1910
Index
75. Utrum parochi aliique animarum curatores debitam residentiam servent. 76. Utrum diebus festis missam pro populo applicent, sacrasque functiones ad diei festi sanctificationem proprias cum zelo et fructu celebrent: potissimum vero an evangelium explicent, et catechesim tam pueris quam adultis tradant, qua methodo, quo fructu. An adsint hisce in rebus negligentes. 77. Utrum in audiendis confessionibus, sacra Eucharistia distribuenda, infirmorum adsistentia semper praesto sint, nihilque inconveniens, vei nulla querela hac de re habeatur. 78. Utrum, nisi gravis et legitima causa in aliquo speciali casu obstet, baptismum administrent et matrimonio adsistant in ecclesia, servatis solemnitatibus a Rituali Romano praescriptis. 79. Quomodo se gerant erga fideles qui, sectis secretis notorie addicti, vei alia quavis de causa extra Ecclesiae sinum viventes, sacramenta in extremis deposcunt; et erga eos qui extra Ecclesiae sinum defuncti, christiano more sepeliri a consanguineis velint. 80. Quaenam sit consuetudo in admittendis pueris ad primam communionem: et an sarta tecta servetur regula a Catechismo Concilii Tridentini tradita, ut pueri, qui sui confessarii et parentum judicio discretiunis sunt capaces a sacra mensa non prohibeantur, nec diu arceantur. 81. Utrum parochi pro viribus curent fideles suos in fide roborare, ad sacramentorum frequentiam, praesertim ad S. Communionem etiam quotidianam excitare, et in christianae vitae more et puritate continere. Et ad hunc finem, praeter consueta sui officii munera, a) an aliquoties in anno, diebus praesertim solemnioribus vei tempore adventus, quadragesimae vei mariani mensis, praeconem et confessarium extraordinarium advocent; b) an identidem post aliquam annorum periodum sacras missiones in sua paroecia haberi curent; c) an pias devotiones ab Ecclesia probatas, ut expositionem SSmi Sacramenti, viam crucis, rosarium, mensem marianum, aliaque similia in sua ecclesia celebrent, et fidelibus commendent: etquaenam magis in usu sint in dioecesi; d) an studeant pueros, puellas et majoris aetatis fideles allicere ut ad pias uniones, patronatus, sodalitates vei consociationes catholicas se adscribant; e) an prudenter instituant vei saltem foveant opera socialia, quae Ecclesiae catholicae spiritu aluntur. Cap. VIII. Art. I. j)e Seminario dioecesano. 82. Paucis dicatur quae sit Seminarii fabrica, novane an vetus, quot alumnis continendis capax, an disciplinaribus et hygienicis regulis respondens, an a servitutibus libera, hortis et atriis ad recreationem instructa. Si vero dioecesanum Seminarium non unicum sit, sed in május et minus, vei in plura alia aedificia divisum, exponatur quae sit materialis singulorum conditio. 83. Quinam sint Seminarii vei Seminariorum reditus, an, et quali aere alieno graventur: quae pensio ab alumnis persolvatur: quomodo pauperibus subveniatur. 84. Dicatur quinam sit rector, qualis ejus aetas, qualesque sint ejus qualitates: quot alii eum in regimine adjuvent: et utrum hi, et quidem omnes, inuneri comisso digne statisfaciant, et alumnos in disciplina et pietate instituant; an potius aliquid animadvertendum sit. Si vero Seminarium a congregatione aliqua religiosa regatur, indicetur quaenam sit haec congregatio, quando, quibusnam conditionibus, et an ex S. Sedis venia curam pii instituti susceperit. et an praefatis l conditionibus satisfaciat.
