Kalocsai Főegyházmegyei Körlevelek, 1909

Index

XXII. Nr. 2287. Litaniae in honorem S. Joseph. (Sua Sanctitas benignissime indulgere dignata est, ut Litaniae in honorem S. Joseph a S. Rituum Congregatione approbatae tum priváté, tum publice recitari et decantari valeant. Concernens decretum et Litanias approbatas, necnon authenticam harum Litaniarum et Orationis appositae versionem Hungaricam, Germanicam et Illyricam hisce publici juris facio. URB1S ET ORBIS. Sanctissimus Dominus noster Pius Papa X. inclytum patriarcham S. Joseph, divini Redemptoris patrem putativum, Deiparae Virginis sponsum purissimum, et catholicae Ecclesiae potentem apud Deum patronum, cujus glorioso nomine a nativitate decoratur, peculiari atque constante religione ac pietate complectitur. Hinc supplicibus enixisque votis et precibus plurium sacrorum Ecclesiae Antistitum et Praepositorum ordinum religiosorum, praeeunte Abbate generáli Cisterciensium reformatorum, libenter obsecundans, suorum Decessorum fel. rec. Pii IX. et Leonis XIII. exempla, acta et decreta de cultu ipsius S. Joseph edita, toto animo ac voluntate per hoc nóvum decretum prosequi statuit. Eapropter, quo omnes et singuli christifideles, cujusvis sexus, status et conditionis, cum filiali ac religioso affectu ac firma solidaque spe eximias Nazarenae Familiae nutritii et custodis virtutes frequenter recolant ac stúdiósé imitentur, validamque opem, praesenti tempore, humanae familiae ac societati congruentem, iteratis invocationibus ferventer implorent, Litanias in honorem S. Joseph, sacrorum Rituum Congregationis examini ac judicio subjectas, atque ab ipsa dignas adprobatione recognitas, de ejusdem sacrae Congregationis consulto, ac referente infrascripto Cardinali Praefecto et Ponente, apostolica sua auctoritate adprobavit; easque in vulgus edi, atque in libris liturgicis, post alias Litanias jam adprobatas, inseri ita indulsit, ut in universa Ecclesia tum priváté, tum publice, recitari et decantari valeant. Insuper eadem Sanctitas Sua omnibus et singulis christifidelibus has Litanias in honorem sancti patriarchae Joseph persolventibus, tercentum dierum indulgentiam, semel in die lucrandam, et animabus in expiatorio carcere detentis etiam applicabilem, benigne concessit. Contrariis non obstantibus quibuscumque. Die 18. Mártii 1909. L. + S. Fr. S. Card. Martinelli, Praefectus. f. D. Panici, Archiep. Laodicen., Secretarius. LITANIAE DE S. JOSEPH. Kyrie, eleison. Christe, eleison. Kyrie, eleison. Christe, audi nos. Christe, exaudi nos. Páter de coelis, Deus, Fili, Redemptor mundi, Deus, Spiritus sancte, Deus, Sancta Trinitas, unus Deus, Sancta Maria, Sancte Joseph, Proles Dávid inclyta, Lumen Patriarcharum, Dei Genitricis sponse, Custos pudice Virginis, Filii Dei nutritie, Christi defensor sedule, Almae Familiae praeses, Joseph justissime, Joseph castissime, Joseph prudentissime, 3 O ín' — • —i w re o o l-i p -o •t o a o cr LITT. CIRC. 1909. 11