Kalocsai Főegyházmegyei Körlevelek, 1909

Index

Nr. 1287. Erectio parochiae in Szilágyi. JVlemoriae commendamus quibus expedit universis, quod Nos, gregis — Nobis divina disponente providenlia commissi — saluti consulere et malis, quae ex Pastoris defectu oriri in dies solent, occurrere volentes, erectionem parochiae in pago Szilágyi, infra ambitum Comitatus Bács-Bodroghensis sito, in Domino aggredimur, imo parochiam inibi harum tenore et vigore erigimus. Pagus iste in tinibus Apatin, Bácsszentiván et Szond iitus per regium rei agriculturae ministeriuni hungaricum anno 1899. conditus, in iis, quae ad curam animarum pertinent, interim per parochum Bácsszentivánensem administratus, anno 1901. proprium animarum curatorem titulo administratoris obtinuit, qui cultum divinum abhinc in domo scholari celebrabat. Ecclesia parochialis stylum gothicum praeseferens a. 1905. aedificari coepta a. 1906. consummata et eodem anno in honorem s. Stephani Regis Hungáriáé benedicta est. Ad cujus aedificandae et instruendae sumtus regium rei agriculturae ministerium 26000, fundus religionis catholicus 20000, p. m. Georgius Császka archiepiscopus Colocensis 8560, pia femina Flóra Darázsy uxor Joannis Weingang 2000, egregius Dominus Petrus Fernbach 1977, fundus dioecesanus major 1357, Anna Krug 1140 coronas contulerunt, reliquas vero 14000 coronarum expensas ipsa ecclesiae fabrica contracto aere alieno suppeditavit. Postquam autem regium rei agriculturae ministerium convenientem domum parochialem aedificandum curasset, porro parochum, ludi magistrum (cantorem) ac ipsam ecclesiam sufficienter dotasset; postquam item de sustentatione campanatoris, respecLITT. CIRC. 1909. tive aeditui necnon de coemeterio ac de fundo viae crucis apte provisum fuisset: nihil jam omnino obstare videbatur, quominus ecclesia Szilágyiensis matris nomine ac dignitate insigniretur. Quare congratulantes in Domino Nobis et fidelibus nostris carissimis de tam felici successu per misericordiam Dei obtento, habito item cum Venerabilibus Fratribus, Ecclesiae videlicet Nostrae Metropolilanae Colocensis Capitulo consilio et accedente ejusdem Ven. Capituli, prout juris est, consensu, auditisque omnibus, ad quos res haec eximia quoquomodo pertinet: invocato Domini Nostri Jesu Christi sanctissimo Nomine ejusque ss. matris. semper Virginis Mariae, auxilio ecclesiam in Szilágyi sub invocatione S. Stephani Regis Hungáriáé, auctoritate Nostra ordinaria, tenore praesentium in Parochialem erigimus, erectam volumus ac declaramus in eaque sanctissimum Eucharistiae sacramentum ad altare május, fontem baptismalem, olea sacra et alia, quae ad ecclesiam parochialem pertinent, retineri et custodiri mandamus. Ecclesiae praefatae sic in parochialem erectae jura omnia et privilegia, quae parochialibus de jure ordinario competunt, concedimus et illis gaudere debere decernimus cum emolumentis et praestationibus a fidelibus hucusque parocho suo secundum Visitationem Canonicam solutis, eleemosynis item et oblationibus universis a sacris canonibus concessis et permissis. Una simul ecclesiam hanc jam parochialem cum patronatum ejusdem nec regium aerarium, nec communitas ipsa catholica, nec privata persona acceptare voluerit, liberae collationis archiepiscopalis esse volumus et declaramus. 6