Kalocsai Főegyházmegyei Körlevelek, 1907

Index

— 44 votis ultro libenterque annuentes associationem ipsam tam frugiferam, quae hisce potissimum tam gravibus temporibus, juxta tenorem Decreti a Congr. Sacrae Tridentinae Synodi interpretationi praeposita, die XX. Decembris mensis anno superiori editi exauspicato intendit ad Communionis frequentis et quotidianae usum inter fideles provehendum singularibus gratiis atque indulgentiis decorandam existimavimus. Quare de Omnipotentis Dei misericordia ac BB. Petri et Pauli Apostolorum ejus auctoritate confisi, omnibus et singulis nunc et in posterum in dictum Eucharisticum Foedus adlectis sacerdotibus, quatenus simili privilegio non gaudeant, altaris privilegii personalis indultum ter in hebdomada, servatis servandis, concedimus; nec non ut una ante auroram, atque una post meridiem hora Sacris operari, et similiter a prima ante auroram hora ad occasum solis, Sacram Synaxim distribuere, atque. injunctis de more peractis, precipuorum fidei mysteriorum et Mariae Virginis et SS. Apostolorum festivitatibus per annum singulis, plenariam indulgentiam veldefunctis applicabilem lucrari; et intra celebrationem triduanae supplicationis, juxta pii Foederis tabulas habendae, post peractam Communionem generalem, christiano adstanti populo, plenaria adjecta indulgentia, cum Crucifixo ac sub Crucis unico signo, servatis ritu formulaque praescriptis, benedicere licité possint ac valeant. Insuper quoties juxta hnes Foederis sacerdotalis, pietatis quodvis sive charitatis opus adimpleant, de numero poenalium dierum in forma Ecclesiae solita iisdem adlectis in ipsum Foedus, nunc et in posterum sacerdotibus trecentos expungimus. Tandem confessariis rite probatis eodem in Sacerdotali Eucharistico Foedere nunc et in posterum inscriptis, facultatem concedimus communicandi semel in hebdomada plenariam indulgentiam poenitentibus, qui quotidie vei quasi quotidie ad Sacram Synaxim accedere consueverunt. Praeterea Apostolica Nostra auctoritate praesentium vi, perpetuumque in modum, associationem memoratam sub titulo Sacerdotalis Eucharistici Foederis in Urbe ad S. Claudii canonice institutam in archiassociationem, sive primariam cum solitis privilegiis erigimus. Archisodalitii autem ejusdem moderátori et officialibus praesentibus et futuris, ut ipsi alias ejusdem nominis atque instituti societates in universo terrarum orbe, canonice erectas sive in posterum erigendas, servatis Clementis PP. VIII. Praedecessoris Nostri r. m. aliisque Apostolicis ordinationibus desuper editis, sibi aggregare illisque omnes et singulas indulgentias peccatorum remissiones ac poenitentiarum relaxationes ipsi archisodalitio a S. Sede concessas et aliis communicabiles, communicare licité possint ac valeant Apostolica item Nostra auctoritate praesentium vi facultatem perpetuo concedimus et largimur. Decernentes praesentes litteras firmas, validas et efficaces semper existere et fore suosque plenarios et integros effectus sortiri et obtinere, atque illis ad quos spectat et pro tempore quomodolibet spectabit in omnibus et per omnia plenissime suffragari sicque in praemissis per quoscunque judices ordinarios et delegatos judicari et definiri debere, atque irritum esse et inane si secus super his a quoquam quavis auctoritate scienter vei ignoranter contigerit attentari. Non obstantibus constitutionibus et ordinationibus Apostolicis ceterisque contrariis quibuscumque. Dátum Romae apud S. Petrum, sub annulo Piscatoris die X. Augusti MCMVI., Pontificatus Nostri quarto. — Pro Dno Card. Macchi — Nicolaus Marini, Substitutus. Coloczae, die 28-a Febr. 1907. FR. DIONYSIUS SCHULER PROVINCIÁÉ THURINGIAE S. ELISABETH EXMINISTER TOTIUS ORDINIS FRATRUM MINORUM MINISTER GENERÁLIS ET HUMILIS IN DOMINO SERVUS. Nr. 1202. Facultas erigendi vias crucis conceditur.