Kalocsai Főegyházmegyei Körlevelek, 1904

Index

—, 114 — suppeteret unde catholicae doctrinae nuntii ad dissita ac barbara loca contenderent beneficia illuc religionis nostrae humanique cultus allaturi, tam nobilis coetus tribui largitati debet. Hinc initia salutis innumeris populis parta: hinc fructus animorum comparati tanti, quantos nemo aestimet rite, nisi qui effusi per Christum sanguinis virtutem pernorit: binc contra quam expectari a disjunctis hominum viribus posset, Evangelii evulgandi legi mire obtemperatum. Haec Nobiscum Sodalitatis promerita reputantes, nullo non tempore sensimus in insignem coetum Nos studio fetri, nec sane illi pro tenui adjumenti parte defuimus, majora tamen animo spectantes, si facultas, Deo propitio, daretur. Jam quoniam id Nobis Omnipotentis Dei benignitas dedit ut ex hac Petri Cathedra spiritualia fidelibus commoda dispertire possemus, praetermittere nolumus ut quem supra laudavimus coetum peculiari quodam benevolentiae argumento honestemus. Quare omnes et singulos quibus hae literae Nostrae favent, a quibusvis excommunicationis, suspensionis et interdicti aliisque ecclesiasticis sententiis, censuris et poenis, si quas forte incurrerint, hujus tantum rei gratia absolventes et absolutos fore censentes, auctoritate Nostra Apostolica praesentium vi quo cum externis sodalitatis praesidiis tutela quoque et gratia de superis congruat, SANCTUM FRANCISCUM XAVERIUM coelestem eidem Patronum eligimus, damus, eique voluinus omnes honorificentias tribui coelestibus Patronis competentes, hujusque diem festum, ut ad amplificandam ipsius celebritatem "humanae quoque observantiae ampliorisque lithurgiae accessione desit ad ritum duplicem majorem, servatis Rubricis, apud universam Ecclesiam provehimus. Est huic caeliti cum opere „Fidei propagandae" ratio quaedam singularis et propria. Etenim quum vitám Franciscus ageret tanto animum studio talique cum eventu ad imbuendos christiana veritate populos appulit ut instrumentum Numinis electum in eo reviviscere, non secus atque in ipsis Apostolis videretur. Quapropter spes Nos bona tenet coetum hunc nobilissimum majora in dies incrementa, deprecante Francisco, fore suscepturum, atque etiam libertate fructuum, numero Sodalium, omniumque qui stipeni conferant liberalitate ac diligentia eo deventurum brevi ut hanc eminentem atque apparentem rem praestet, sicut a Christo est Ecclesia condita, in qua salus omni credenti paretur, ita Sodalitatem „Fidei Propagandae" esse divino consilio excitatam ut nondum credenti Evangelii lumen affulgeat. Quam quidem ad rem multum procul dubio proficient catholicorum voluntates, etsi disjuncte ac privátim liberales se praebebunt ad munera: verum nihil erit ad utilitatem praestantius quam si decuriati catholici viri conferant, quemadmodum est prudentia summa provisum. Scilicet, quae minus inter se vires cohaerent, minus valent ad caussam: valent vero quamplurimum conjuncta et colligata ordine studia. íllas recte facere dicemus: ista etiam rite. Servator autem et instaurator humani generis Christus, cujus sanctissimo propagando nomini coetus incumbit, tegat gratia praesidioque opus; qui enim non auro vei argento, sed pretioso Filii Dei sanguine redempti vivimus, divinam in primis opem contendere cum magna prece debemus. Haec mandamus, praecipimus, decernentes litteras firmas, validas efficaces existere ac fore suosque plenarios et integros effectus sortiri et obtinere, illisque ad quos spectat et in futurum spectabit in omnibus et per omnia plenissime suffragari, sicque in praemissis per quoscumque judices ordinarios et delegatos judicari ac definiri debere et irritum et inane si secus super his a quoquam quavis auctoritate scienter vei ignoranter contigerit attentari. Non obstantibus Constitutionibus et Ordinationibus Apostolicis ceterisque contrariis quibuscumque. Volumus autem ut praesentium litterarum tran-