Kalocsai Főegyházmegyei Körlevelek, 1903

Index

7 — B i III. IE £0-a Februarii hujus anni recurret vigesimus quintus anni^^ versarius ille dies, quo gloriosissime regnans SS. D. N. Leo Papa XIII. in Summum Pontificem est electus. Festivus hic eventus a nobis, qui firmissimo adhaesionis vinculo Christi in terris Vicario adstringimur, quique tenerrimo filialis amoris obsequio erga hunc Patrem nostrum ducimur, sane expostulat, ut laetissimum hunc diem cum uberantibus animi gaudiis obeamus, interque divini cultus solemnia ferventissimas pro omnigena suae Sanctitatis incolumitate atque felicissimo Ejus regimine preces ad Numen coeleste dirigamus. Consentaneum igitur mihi videbatur sequentia statuere: 1) Solemnitas haec in s. sermone, de beneficiis Summi Pontificatus in orbem catholicum ac universum genus humánum redundantibus, necnon de gloriosissimo Leonis Papae XIII. regimine apte conficiendo ex ambone Dominica Sexagesimae annunciari debet. 2) Pridie, id est 19-a februarii vespertino tempore post signum salutationis Angelicae omnes ecclesiarum campanae per spatium mediae horae ubique pulsentur. 3) Ipso die felicis anniversarii in Cathedrali mea Ecclesia, omnibus in ecclesiis parochialibus, conventualibus itern ac publicis capellis, in quibus missa quotidie dicitur, celebrari debet unica missa solemnis, seu cantata de anniversario creationis Summi Pontificis, ad quam magistratus civiles praevie et humane invitari, ipsi autem institutorum alumni, scholarumque elementarium catholicarum, in quibus praelectiones ipso die sistuntur, discipuli perduci debebunt. In fine hujus Missae post expositi Eucharistiae Sacramenti incensationem intonetur Te Deum cum versiculo et oratione, et decantatis deinde strophis Tantum ergo et Genitori cum oratione de Sanctissimo, detur cum eodem Sanctissimo benedictio. 4) Quum hic anniversarius dies creationis summi Pontificis in feriam Vl-am incidat: per decretum S. Rom. et Univers. Inquisitionis Congregationis die D-a Dec. 1894. eatenus facultate provisus permitto hisce, ut hac feria VI. omnes fideles carnibus libere vesci possint, ita tamen, ut haec abstinentia per eos praecedente feria IV. anticipetur, respective servetur. Quod similiter ex ambone Dominica Sexagesimae promulgandum veniet. Coloczae, die 10-a Januarii 1903. Georgius, Archi-Episcopus. cggj Nr. 416. Jubilaeum Papaié Summi Pontificis asservandum. LITT. CIRC. 1903. 3