Kalocsai Főegyházmegyei Körlevelek, 1901

Index

— 6 — Officii Decreto, quippe quod poscit praecedere absolutioni abiurationem iuridice factam. Sed eiusmodi iudicialis aut iuridica abiuratio nusquam in Germania in usu est. In regionibus acatholicis, ubi conversiones ad fidem saepius fiunt, nulla est copia Notariorum catholicorum. Accedit quod valde consultum est ut haereticis conversis modus abiurandi íacilis et commodus reddatur et ut conversiones nullum strepitum vei admirationem excitent, quod fieret, si iudiciales aut iuridicae formae adhiberentur. Hinc ubique locorum usus est, ut abiuratio erroris et fidei catholicae professio perficiatur coram parocho et uno teste, vei, si necessitas ita expostulat, coram solo parocho, sed semper ita, ut abiuratio in exteriori foro compareat et probari valeat. Idcirco abiuratio non tam actus indicialis aut iuridicus, sed magis actus pastoralis offiicii censeri debet, sed semper validus etiam pro exteriori foro. Quae cum ita sint, subscriptus Episcopus N. N., ut sensus citati Decreti non ansam praebeat dubiis, a Sacra Inquisitionis Congregatione humillime petit, ut declaretur, num possit Episcopus ordinaria sua facultate absolvendi haereticos etiam tunc uti, si non fiat abiuratio in stricto sensu iuridica, sed coram solo sacerdote ab Episcopo delegato, aut coram tali sacerdote et teste. Feria IV. die 28 Mártii 1900. In Congregatione Generáli S. R. et U. Inquisitionis, ab Emis ac Rmis DD. Cardinalibus in rebus fidei et morum Generalibus Inquisitoribus habita, propositis suprascriptis precibus, praehabitoque RR. DD. Consultorum voto, omnibus rite diligenterque perpensis, iidem Emi ac R.mi Patres respondendum mandarunt : Respondeatur Episcopo ad mentem. Mens est quod abiuratio íieri potest coram quopiam ab Episcopo delegato ut notario et aliquibus personis uti testibus; et detur instructio 8 Április 1786 ad Episcopum Limericen. Praefata instructio sic se habét: „Non est necesse ut qui a catholica fide defecerunt, ad eamque postmodum reverti cupiunt, publicam abiurationem praemittant

r sed satis est ut privátim coram paucis abiurent, dummodo tamen promissa servent, ac revera abstineant communicare cum haereticis in spiritualibus aut quidquam facere quod haeresis protestativum sit. Idem sentiendum de iis qui haeresim, in qua usque ab initio educati fuere, privátim abiurent." Sequenti vero feria VI, die 30 eiusdem mensis et anni, in solita audientia a SSmo D. N. Leone Div. Pr. PP. XIII. R. P. D. Adsessori impertita, facta de his omnibus relatione, SSmus Dnus responsionem EEmorum Patrum adprobavit I. Can. Mancini, S. R. et U. Inquisit. Nótárius. Colozae, 18. Januarii, 1901. Georgius, Archi-Episcopus.