Kalocsai Főegyházmegyei Körlevelek, 1887

Index

„Dátum Romae apud S. Petrum die XXX. Dec. An. MDCCCLXXXVI. „Pontificatus Nostri Nono. Leo PP. XIII. m. p." Religiosá reverentia recipimus talem apostolicae erga nos dilcctionis testificationem et gratiam pontificio hoc effato nobis exhibitam intimá gratitudine, piissimá adhaesione, intenieratá obedientia redhibere, omnemque occasionem avide arripere conabimur, ut hos sensus nostros verbis, actibus, omníque vitá nostrá ad evangelicas doctrinas conformatá palam faciamus. Quare, qui optime notum habeo sincerum illum Venerabilis Cleri Archidioeceseos meae et fidelium per eum in via salutis ductorum amorem, quo Sanctissimo Domino Nostro alligantur, — qui scio, quam grata sit Ipsis quaevis opportunitas filiales catholici Sui cordis affectus omni modo comprobandi: nullus etiam dubito, haud frustra rae jam Circularibus meis i-ájunii anni praeteriti sub Nro 1511 dimissis attentionem ipsorum eo direxisse, quorsum totius catholici orbis oculi nunc convertuntur, ut magna demonstratione religiosá pios suos sensus erga Summum animarum nostrarum in terris Pastorem universo orbi testatos reddant, scilicet ad instans ultima hujus anni die quinquagenarium sacerdotii Beatissimi Patris Nostri Jubilaeum. Repeto, certe non incassum id a me factum fuisse, nam Colocenses etiam Clerus et populus associari gestient fidelium millionibus, qui die illo uti volent, ut amicis et inimicis christiani nominis palam fiat: intimo spiritu Suo se catholicos esse, et laete se celebrare sanctissimum illum Pontificem, qui inter difficillimas Sanctae Sedis, Dominii Pontificii, Regiminis fidelium vices non externo splendore, non dominatu saeculari, non rerum et opum humanarum vi, sed dominante intellectu, summá eruditione, admirandá sapientiá et constantiá ipsorum divini nostri instituti adversariorum admirationem et cultum Sibi emereri, nec solum Ecclesiae in centralibus Europae regnis misere arctatae meliorem sortem parare scivit, sed etiam ea auctoritate pollet, ut in gravissimis saecularium Potestatum causis arbiter statui meritus, summis principibus legem dictare vocaretur. Queis omnibus in considerationem sumptis laetus spero, Venerabilem Clerum et bonos fideles, — nominatim autem scholarum praesides, magistros et magistras, et singulariter Religiosorum Ordinum membra, scholis moderandis et juventuti catholicae utriusque sexus educandae praefecta — oranem operám in id impensuros esse, ut quo dilectionem suam erga Optimum Patrem, gaudiumque super bonis iis, quae Dominus servata Saneti Pontificis vita Ecclesiae suae asseruit, módis per me in dicta Epistola Circulari uberius indicatis testentur; — ut igitur 1-0 ampliora pecuniaria dona titulo oboli Petri colligenda affluant, quae Sanctissimum Dominum Nostrum in tegendis gubernii pontificii, sacrarum Mis-