Kalocsai Főegyházmegyei Körlevelek, 1880

Index

— Sl — YENEK A BILI ET HONORABILI CLERO ARCHI-DIOECESANO SALUTEM ET A DOMINO BENEDICTIONEM ! Ex incidenti dictaminum §§. 53-ii et 60-i articuli legis patriae XL-i anni 1879-i, Codicem poenalem circa transgressiones id est Politialem continentis, dispositiones quaedam necessariae videntur, quas determinationi Conferentiae Episcopalis conformiter pro stricta observantia in sequentibus edo : I. Doctrinam Ecclesiae de mixtis matrimoniis , conditiones porro, sub quibus talia matrimonia inire Catholicis integrum est, pastoralem denique in his procedendi modum cum ex antiquioribus Praesulum encyclicis litteris, tum e decretis conciliorum provincialium in patria nostra recentiori aevo celebratorum, probe noscunt Pastores animarum. Restat, ut ea iterum iterumque relegant, et dispositiones Ecclesiae fideli populo solerter omnique zelo commendent. Ecclesia catholica mixta matrimonia nunquam probavit, nec probat, sed tolerat tanturn, uti minus malum, ad evitanda mala maiora; nec igitur benedictionem his matrimoniis iiupertitur, nisi praescriptis abs se conditionibus per partes contrahentes satisűat, quarum praecipua est : certitudo saltim morális de omnibus utriusque sexus prolibu? in catholica religiooe educandis. Lex quidem patria anni 1868. LIII. §-o 12. disposuit, ut proles masculae patris, femellae matris religionem sequantur, adeoque lex ista praememorato et notissimo catholicae Ecclesiae, utriusque sexus prolium catholicam educationem urgentis, postulato adversatur. Ast praxis eam legi huic dedit interpretationem, ut illa pro talibus nonnisi casibus lata consideraretur, in quibus nupturientes jure suo naturali minimé sünt usi, nec quidquam praevie statuerunt de futura suscipiendarum prolium educatione. Plurimi namque tirmiter tenuerunt, ad jus parentum pertinere de religiosa prolium educatione congrua statuere, nec opus esse legali norma, nisi tunc, ubi litis circa haec nefors decisio a statu publico postulata fuerit. Haud pauci proinde desponsorum se jure suo parentali uti posse crediderunt, et utriusque sexus prolium catholicam educationem sponte statuerunt, promiserunt, imo obtulerunt, consequenter, fide partis catholicae a perversionis periculo caeteroquin in tutö collocatá, nuptialis etiam benedictionis participes reddi potuerunt. Sic in praxi intellectain fuisse legein, ipsum proiectum codicis poenalis circa transgessiones, quod exc. reg. Ministerium Comitiis regni proposuerat, comprobare videtur. — In hoc namque legis projecto §-o 53. art. XL. a. 1879-i nonnisi in illos animarum curatores poena statui volebat, qui contra voluntatem et citra consensum parentum aut tutorum susciperent minorennes proles in aliam, quam quae lege anni 1868. LIII. praescripta est, confessionem. Pro his, qui cum consensu parentum id facturi essent, legis proiectum nullám statui voluit poenam. Sed tali proiecto legis lex subin lata, et altissima etiam sanctione munita non consonat. Lex enim ista sic sonat : „A ki életkorának tizennyolczadik évét még be nem töltött kiskorú egyént az 1868. LIII. t. cz. rendelkezése ellenére más vallásfelekezetbe fölvesz : két hónapig terjedhető elzárással és háromszáz forintig terjedhető pénzbüntetéssel büntetendő." (§. 53. art. XL. a, 1879.) Circ. Lit. 1880. 22 Nr. 2031. Civculares ex incidenti dictaminum §§. 53-ii et 60-i legis patriae Art. 40-i auni 1879-i litto rae.