Kalocsai Főegyházmegyei Körlevelek, 1878

Index

— 139 —' Omnes autem, ad quos statutorum horum exsecutio spectat, exactam eorundem observantiam religioni sibi ducant, probe scientes , omne dainnum ipsorum infidelitate bouis Ecclesiae illatúm non furti tantum, sed et sacrilegii reatum involvere , quum res a fldelibus ad Dei cultum oblatae juxta sensum Ecclesiae res Dominicae, res Deo sacratae, substantiae Christi, patrimonium Crucifixi, vota fidelium, pretia peccatorum sint, de quarum fideli administratione non hic tantum , sed et coram aeterno Judice strictissimas quondam rationes reddituri sunt. XXXVIII. Cum litterae Circulares (lioecesanae non omnes semper pro omni tempore conservandae forent; petitur, ut illae, quae magis necessariae adeoque custodiendae videntur, cum fine anni secundo edantur. Precibus his deferri nullatenus potest. Materiae enim in circularibus litteris publicatae vei historico, vei juridico vei alio sub respectu momentum quodpiam habent, merito igitur in archivis nostris servantur. Index alphabeticus circulariuin litterarum omni anno editus facilem reddit majoris momenti ordinum illis contentorum inventionem. Insuper secunda circularium litterarum quovis anno editio, qualis desideratur, multas expensas, certe superfluaset aliis gravibus Ecclesiae finibus servandas, deposceret. XXXIX. Decreta generalia curam animarum, officiorum sacrorum gestionem, rem scholarem et rectam vitae sacerdotalis rationem respicientia inde a tempore capessitae per Arcliiepiscopum Metropolitanae liujus sedis partim in consultationibus annorum 1868.1871.1872. et 1878. simul, partim secus prout rerum et temporum ratio deposcebat, singillatim edita : in unum collecta proxime eő iterum inculcatö publici juris fient, ut adcuratissime observeutur. Queis ita actis : Archiepiscopus humiles Deo gratias rependens pro coelestibus hodiernae diei charismatibus, spiritualibus gaudiis, et utilibus laboribus adjuvante numine in concordi fratrum concursu exantlatis : dilectos suos Comministros peramanter salutavit et felicem cuivis ad sacri muneris locum reditum precatus, cunctos e Dei misericordia sanos, sospites, amplis gratiis et largis laborum fructibus ditatos esse voluit. Dátum Coloczae, die 16-a Octobris, annö salutis 1878. Ludovicus m. p. Archi-Episcopus.