Kalocsai Főegyházmegyei Körlevelek, 1868

Index

— 50 — t „Et sane mirifice laetata est anima mea, cum (Deo sic volente et favente, Eminentissimo Cardinali Fidei propagandae Praefecto approbante, et Summo Ecclesiae Pontifice suprema auctoritate Sua confirmante) nuper liinc tandem meis auspiciis profecti sunt tres Missionarii, tres Sanctimoniales S. Josephi ab apparitione nuncupati, ac sexdecim puellae ex Nigritia, jain diu in nostra Európa christianae fidei praeceptis imbutae; qui omnes Rev. D. Daniele Comboni ductore, die 5-a Decembris anni elapsi Alexandriam Aegypti appulsi, mox Cairum pervenerunt incolumes, ac tandem in Cairi veteris pago constiterunt, die Virg-ini labis nesciae dicata. •) „Hinc mihi sperare fas est, Deo opitulante, illám ortum aliquem habituram, quam totis praecordiis exopto, Africae regenerationem et ad catholicam fidem conversionem. Sed quid prodest aliquos misisse ad opus tam praeclarum, nisi alii et quidem plurimi quotannis mittantur ? Cui rei ut prospiciatur et provideatur, nullus alius remanet modus, quam ut caenacula quaedam (quod alias jam monui) illis hic parentur, qui Spiritu Domini ducti ea ingrediantur, ibique perseverent in orationibus, donec induti virtute ex alto, ac suo tempore exeuntes, lumen aeternae veritatis inferant barbaris Africae regionibus, sterilis illius et aridissimae terrae faciem Dei auxilio renovaturi. „Haec turris est, quam in votis est aedificare, ac ideo, ut evangelicis verbis monemur, sumptus etiam non exiguos computare debemus, ne illud dicatur de nobis : coepit aedificare et non potuit consummare. „Atque haec causa fűit, cur Opus Boni Pastoris litteris meis Kalendis Junii an. 1867 datis instituerim, nec non Centrale Concilium ejusdem pii Operis die 23-aJanuarii hujus anni approbaverim et confirmaverim; ac praeterea fideles meae curae commissos vehementer in Domiuo hortatus sim, ut dicto pio operi plurimi dent nomen, et paullulum quid pecuniae impendant, ut fratres innumeros Christo lucrentur. „Verum tam magnó Operi, cum meas tantum vires impares omnino sentiam, Fratrum et fidelium omnium auxilia imploraturus accedo, preces scilicet et pias oblationes. „Quod igitur in hac mea Dioecesi ipse feci. Te Amplissime in Christo Domine, ut in Tuo quoque facias in Christi Jesu nomine rogare audebo. Scilicet, ut juxta generalia Statuta in programmate Operis Boni Pastoris, quod ad Te jam misi, expressa, Dioecesanum Consilium instituas, et verbis, ardenti qua aestuas caritate ignitis, fideles tuos permoveas inflammesque, ut viscera misericordiae induant erga miseros Afros, ac levi opum jactura thesaurum illis pretiosissimum parent, fidem scilicet, quae praestat vitám aeternam. „Fave igitur, Amplissime in Christo Praesul, et tempore et modo , quo spectatae prudentiae Tuae visum fuerit, precibus meis enixis annue et votis, a Pastore Bono Jesu centuplum accepturus, ac vitám aeternam possessurus.