Kalocsai Főegyházmegyei Körlevelek, 1867

Index

CIECÜLARES LITTERAE AD VENERABILEM CLERUM ARCHI-DIOECESIS COLOCENSIS ANNO 1867. Nr. I. Nihn dignius, nihilque salubrius habét Ecclesia Eucharistiae Sacramento, quod Salvator noster recessurus ad Patrem in eximii sui erga nos amoris divinum et admirabile pignus instituit, in quo modo visibili perpetuo nobis adest, atque seipsum ad animae refectionem in cibum ac potum spirituálém exhibet. Adeo autem stricta est obligatio Sanctissimam Eucbaristiam in qualibet Ecclesia parocliiali jugiter asservandi, ut ab hujusmodi obligationis implemento nec Ecclesiae panpertas, nec consuetudo, nec exiguus fidelium numerus excusare possint. In omni igitur parochiali Ecclesia tabernaculum adesse debet, in quo Sanctissimum Eucbaristiae Sacramentum omni, qua decet reverentia custodiendum est. Ecclesia Catholica maximam semper sollicitudinem suam eo convertit, ut divinissimo huic Sacramento ferventissimus praestetur cultus, invisantque fideles omnes, cumprimis vero Sacerdotes, qui vi muneris propius ad illud accedunt. „Quid enim quaeris, — dicit S. Bernardus (Tract. de passión. Domini. Cap. 22.) quod in illo non invenias ? — si aegrotus es, medicus est; si desolatus es, rex est; si impugnaris, pugil est; si sitis, potus est; si alges, vestimentum est; si tristaris, gaudium est;si obtenebraris, lux est: si orphanus es, páter est." — Unde mirum haud est, quod Ecclesia hoc summum divini amoris miraculum quovis tempore summa veneratione ac piissimo grati animi sensu prosecuta sit. Devotionem erga SSmum Eucharistiae Sacramentum multum promovere piae Confraternitates eo scopo coadunatae, ut huic nobilissimo Sacramento summa veneratio exhibeatur. Cujusmodi piae Uniones recentiori tempore in Italia, Gallia et Belgio fine perpetuae adorationis SSmi Altaris Sacramenti coaluerunt, quae ut pietatem suam opere quoque contestarentur, primario scopo secundarium addiderunt, eo directum, ut pauperioribus Ecclesiis de sacris vasis ac paramentis providerent. Piam idmodi consociationem de perpetua SSmi Altaris Sacramenti adoratione dictam matronae quaepiam, pietate non minus quam zelo in domum Dei excellentes in Pátriám quoque nostram induxerunt, Nr. 74. Pia Confraternitas perpetuae adorationis SSmi Altaris Sacramenti commendatur.