Kalocsai Főegyházmegyei Körlevelek, 1862

Index

81 ^í© Nr. XII. Intemeratam erga Sanctissimum Patrem Summum Pontificem ecclesiasticae Provinciáé Colocensis pietatem, inconcussamque erga Petri cathedram fidelitatem et adhaesionem pari sensu cum Episcopis e totius orbis partibus die festő Pentecostes Romae congregatis perhibiturus, sequentis tenoris litteras ddo27-ae Augusti a. c. ad SuamSanctitatem exaravi: „Beatissime Páter! Quamquara augustae solennitati, qua nuper Sanctitas Tua septem et viginti invictissimis divinae nostrae religionis heroibus Sanctorum honores et cultum decrevit, haud omnes ecclesiasticae hujus provinciáé Colocensis Episcopi iotervenire potuimus : nihilominus , absentes licet, cum neosanctorum merita pie recoluiraus, tum eadem prorsus sensa, quae e cunctis orbis partibus congregati eotura Romae Antistites Sanctitati Tuae nuncuparunt, ceu ex animo nostro omnino profecta recognovimus. Quae quidem,. infucatae imprimis pietatis, intemerati obsequii et invariabilis adhaesionis sensa, nullis unquarn temporum injuriis a S. Petri successore Christique in terris Yicario atque universalis Ecclesiae capite divellenda, neque solum Episcopis, verum universo Provinciáé hujus Clero fidelique populo propria, eo firmius cordibus omnium nostrum inhaerent, quo acerbiorem calamitates ac pericula, quae pro justitia Deique et Ecclesiae causa, Beatissime Páter, admiranda constantia ac diuturna patientia suífers, animis nostris injiciunt moerorem tantamque anxietatem, ut Tecum universi nos pati Tecumque omnes periclitari videamur. Temperát attamen hujusmodi moerorem nostrum et anxietatem eximia Sanctitatis Tuae animi fortitudo, quam nec calamitates frangere nec promissorum lenocinia possunt emollire, illa item persuasio nostra, qua firmiter credimus Ecclesiam Catholicam casibus humanis excelsiorem üde divinarum sponsionum niti stareque inconcussam. Quod ad nos attinet, non cessabimus summum pastorem et Episcopum animarum nostrarum flagrantissimis precibus exorare, ut minitantia religioni pericula clementer avertere, Te vero Beatissime Páter, in iis, quas toto ferme Pontificatus Tui intervallo hominum profecto iniquitate sustinere cogeris, angustiis et adversitatibus benigne consolari ominososque idmodi dies breviare velit. Suscipe Beatissime Páter, haec pia íiliorum Tuorum Provinciáé Colocensis sensa, quae licet per sumruos duntaxat apices attacta, consentanea tamen sunt iis, quae Praesules ex universo pene terrarum orbe simul cum binis ex hac ipsa Colocensi Provincia Episcopis in IJrbe congregati Sanctitati Tuae die festő Pentecostes anni labentis coram reverentissime edixerunt; quorum declarationi scripto etiam typisque exaratae nos, qui limina Apostolorum eotum adire Tuumque Beatissime Páter benignum conspectum subire ob provectam aetatem valetudinisque rationem nequivimus, in tota extensione sua omnino adséntimur. Quibus secundum dictamen animi Sanctitati Tuae devotissimi benigno obtutui Tuo humillime substratis, misericordiarum Patrem etDeum totius consolationis assidue oro et obsecro, ut Ecclesiae suae sanctae anhele exoptatam tribuat pacem, Te vero Beatissime Páter, in salutem gregis universi diu multumque servet incolumem atque Tuarum exemplo virtutum sanctam suam gloriíicet et augeat haereditatem. Quod reliquum est, me et comprovinciales Episcopos meos, provinciáé item meae Clerum fidelemque populum Sanctitati Tuae enixe commendo atque Apostolicam benedictionem exorans in reverentissimo pedum osculo emorior Coloczae in Hungaria, die 27-a Augusti anno 1862. Sanctitatis Tuae humillimus et obsequentissimus filius Josephus m. p. Archi-Episcopus Colocensis et Bacsiensis. — Sanctissimo Domino nostro PIO, DivinaProvidentia Papae IX. sanctae et universalis Ecclesiae Summo Pontifici Romae." Nr. 1430. Litterae ad Suam Sanctitatem exaratae et apostolicum Illius rescriptum.