Kalocsai Főegyházmegyei Körlevelek, 1859

Index

sus haereticam pravitatem generáliam Inquisitorum, sub die XI. mensis Februarii anno Domini MDCLXI, prodierunt decreta, et a rec. mem. Alexandro PP. VII. pariter Praedecessore Nostro in Congregatione Generáli Sanctae Romanae Universalis Inquisitionis die XXIV. Septembris MDCLXV. coram eo habita, inter alias ab evangelica veritate, et Sanctorum Patrum doctrina alienas, et dissonas propositiones, sexta videlicet et septima, huc revocandae, damnatae et prohibitae fuerunt; Nos itaque mature perpendentes quanti momenti sit ad aeternam animarum salutem ea ubique exacte observari, et quanti ad infirmas oves curandas, et decorem S. Ecclesiae Dei retinendum intersit, ne aliqui Sacerdotes Poenitentiae Sacramento nefarie abutentes, Poenitentibus pro curatione vulnus, pro pane lapidem, pro pisce serpentem, pro medicina venenum porrigant, sed animo secum recolentes, se a Christo Domino Praesides, et Judices animarum constitutos , ea sanctitate, quae sublimitati, ac dignitati muneris convenit, tam venerandum Sacramentum administrent : Motu proprio, et ex certa scientia, ac matúra deliberatione Nostra praefatas literas hujusmodi, ac omnia et singula decreta praedicta ad illarum interpretationem, et declarationem emanata Apostolica Auctoritate tenore praesentium approbamus et confirmamus, illisque omnibus, et singulis inviolabilis Apostolicae firmitatis robur adjicimus; atque etiam, quatenus opus sit, denuo committimus, et mandamus omnibus baereticae pravitatis Inquisitoribus, et Locorum Ordinariis omnium Regnorum, Provinciarum, Civitatum, Dominiorum, et Locorum universi orbis Christiani in suis respective Dioecesibus, ut diligenter omnique humano respectu postposito inquirant, et procedant contra omnes, et singulos Sacerdotes tam Saeculares, quam Regulares quomodolibet exemptos, ac Sedi Apostolicae immediate subjectos, quorumcunque Ordinum, Institutorum, Societatum, et Congregationum, et cujuscunque Dignitatis, et Praeeminentiae, aut quovis Privilegio, et Indulto munitos, qui aliquem Poenitentem, quaecunque persona illa sit, vei in actu Sacramentalis Confessionis, vei ante, vei immediate post Confessionem, vei occasione, aut praetextu Confessionis , vei etiam extra occasionem Confessionis in Confessionali, sive in alio loco ad Confessiones audiendas destinato, aut electo cum simulatione audiendi ibidem Confessionem ad inhonesta, et turpia sollicitai'e, vei provocare, sive verbis, sive signis, sive nutibus, sive tactu, sive per scripturam, aut tunc, aut post legendám tentaverint; et quos in aliquo ex hujusmodi nefariis excessibus culpabiles repererint, in eos pro criminum qualitate, et circumstantiis severe animadvertant per condignas poenas jnxta raemoratam Gregorii Praedecessoris Nostri Constitutionem, quam hic de verbo ad verbum pro inserta haberi volumus. Dantes etiam, si opus sit, et rursus concedentes facultatem, ne delictum tam enorme, et Ecclesiae Dei injuriosum remaneat ob probationum defectum impunitum, jam alias in praefata Constitutione tributam procedendi cum testibus etiam singularibus, dummodo praesumtiones, indicia, et alia adminicula concurrant. §. 2. Meminerint praeterea omnes, et singuli Sacerdotes ad Confessiones audiendas constituti teneri se, ac obiigari suos Poenitentes, quos noverint fuisse ab aliis, ut supra, sollicitatos, sedulo monere juxta occurrentium casuum circumstantias de obiiga-