Kalocsai Főegyházmegyei Körlevelek, 1859

Index

in praedictis Hispaniarum Regnis, sed in quibusvis Christiani orbis partibus firmiter, et inviolabiliter observari praecipimus, et mandamus. §. 4. Ac praeterea ne in futurum de poena his deliquentibus imponenda, et de modo contra eosdem procedendi ab aliquo dubitari possit, statuimus, decernimus, et declaramus, quod omnes, et singuli Sacerdotes tam Saeculares quam quorumvis, etiam quomodolibet exemptorum, ac Sedi Apostolicae immediate subjectorum, Ordinum, Institutorum, Societatum, et Congregationum regulares cujuscunque dignitatis, et praeeminentiae, aut quovis privilegio muniti existant, qui personas, quaecumque illae sint, ad inhonesta, sive inter se, sive cum aliis quomodolibet perpetranda in actu Sacramentalis confessionis, sive antea, vei post immediate, seu occasione, vei praetextu confessionis, hujusmodi etiam ipsa confessione non secuta, sive extra occasionem confessionis in confessionario, aut in loco quocumque ubi confessiones Sacramentales audiantur, seu ad confessionem audiendam electo, simulantes ibidem confessiones audire , sollicitare vei provocare tentaverint, aut cum eis illicitos, et inhonestos sermones , sive tractatus habuerint, in officio Sanctae Inquisitionis severissime ut infra, puniantur, et praeterea omnes haereticae pravitatis Inquisitores, et locorum Ordinarios omnium Regnorum, Provinciarum, Civitatum, Dominiorum et locorum universi orbis Christiani in suis quemque Dioecesibus, et Territoriis per has Nostras literas, etiam privative quoad omnes alios specialiter, ac perpetuo Judices delegamus, ut super his contra praedictos, simul vei separatim in omnibus, prout in causis fidei juxta Sacrorum Canonum formám, nec non Officii Inquisitionis hujusmodi constitutiones, privilegia, consvetudines et decreta diligenter inquirant, et procedant : et quos in aliquo ex hujusmodi nefariis excessibus culpabiles repererint, in eos pro criminum qualitate, et circumstantiis, suspensionis ab executione ordinis, privationis beneficiorum, dignitatum, et officiorum quorumcumque, ac perpetuae inhabilitatis ad illa nec non vocis activae, et passivae, si regulares fuerint, exilii, damnationis ad triremes, et carceres etiam in perpetum absque ulla spe gratiae, aliasque poenas decernant, eos quoque si pro delicti enormitate graviores poenas meruerint, debita praecedente degradatione, Curiae seculari puniendos tradant. §. 5. Dantes etiam facultatem Venerabilibus Fratribus Nostris S. R. E. Cardinalibus generalibus Inquisitoribus, ne delictum tam enorme, et Ecclesiae Dei tam perniciosum remaneat ob probationum defectum impunitum, cum difficilis sit probationis testibus etiam singularibus , concurrentibus praesumptionibus , indiciis , et aliis adminiculis , delictum probatum esse arbitrio suo judicandi, et Curiae saeculari, ut praefertur, reum tradendum esse pronunciandi. §. 6. Non obstantibus omnibus, quae dictus Praedecessor in suis literis praedictis voluit non obstare, caeterisque contrariis quibuscumque. §. 7. Mandantes omnibus Confessariis, ut suos poenitentes, quos noverint fuisse ab aliis, ut supra, sollicitatos, moneant de obligatione denunciandi sollicitantes, seu ut praefertur tractantes, Inquisitoribus seu locorum Ordinariis praedictis : quod si hoc offi-