Kalocsai Főegyházmegyei Körlevelek, 1859

Index

Beatissimus Páter Indulgentias quoque in forma Ecclesiae consueta lucrandas iisdem encyclicis concessit, quas in paribus hisce subnexis cum DD. Curatis eo etiam űne communico, ut relative ad devotionem pro tempore belli jam a me ddo 2-dae pr. m. Nr. 814 ordinatam, de illarum tenoribus ac de concessis Indulgentiis quomodo lucrandis fidelem populum congrue edoceant. — Coloczae, die 5-a Junii 185 9. Josephus m. p. Archi-Episcopus. VENERABILIBUS FRATRIBUS PATRIARCHIS, PRIMATIBUS, ARCHI-EPISCOPIS, EPISCOPIS, ALIISQUE LOCORUM ORDINARIIS GRATIAM ET COMMUNIONEM CUM APOSTOLICA SEDE HABENTIBUS C

PILS PAPA IX. VENERABILES FRATRES, SALUTEM ET APOSTOLICAM BENEDICTIONEM. um sancta Mater Ecclesia sacris hisce festisque diebus , Venerabiles Fratres , anniversaria Paschalis Sacramenti solemnia effusis gaudiis per universum orbem concelebrans in omnium íldelium suorum memóriám revocat laetissima verba suavissimae illius pacis, quam Unigenitus Dei Filius Christus Jesus Dominus Noster, devicta morte, daemonisque eversa tyrannide, resurgens suís Apostolis Discipulisque frequenter amantissimeque nuntiavit, ecce tristissimus sane belli clamor inter catholicas gentes excitatus tollitur, omniumque auribus insonat. Nos igitur, cum licet immerentes vicariam hic in terris Illius geramus operám, qui ex Immaculata Virgine nascens pacem per Angelos suos annuntiavit hominibus bonae voluntatis, quique resurgens a mortuis, et in caelum ad Patris dexteram consessurus ascendens pacem reliquit Discipulis suis, haud possumus, quin pro singulari ac prorsus paterna, quae Nos erga catholicos praesertim populos urget, caritate et sollicitudine etiam atque etiam pacem clamemus, et ipsa Divini Nostri Reparatoris verba omnibus maxima animi Nostri contentione inculcantes sine intermissione repetamus Pax Vobis, Pax Vobis. Atque hisce pacis verbis Vos in sollicitudinis Nostrae partém voeatos peramanter alloquimur, Venerabiles Fratres, ut fideles vestrae vigilantiae commissos pro eximia vestra pietate omni cura studioque excitetis ad preces Deo Optimo Maximo adhibendas, quo omnibus optatissimam suam pacem largiatur. Hac sane de causa Nos pro pastorali Nostro munere praecipere haud omisimus, ut in universa pontiíicia Nostra ditione publicae clementissimo misericordiarum Patri ofíerantur precationes. Illustria vero Praedecessorum Nostrorum exempla sectantes ad vestras, ac totius Ecclesiae preces confugere constituimus. Itaque hisce Litteris a Vobis, Venerabiles Fratres, exposcimus, ut pro egregia vestra religione publicas in vestris Dioecesibus preces indicere quam primum velitis, quibus fideles Vobis concrediti, potentissimo Immaculatae Sanctissimaeque Deiparae Virginis Mariae patrocinio implorato, divitem in misericordia Deum enixe orent et obsecrent, ut per merita Unigeniti Filii sui Domini Nostri Jesu Christi avertens indignationem suam a nobis , et auferens bella usque ad finem terrae, divina sua gratia omnium mentes illustret, omniumque corda christianae pacis »more inflammet, atque omnipotenti sua virtute efficiat, ut omnes in fide et caritate radicati, fundati sancta Eius mandata diligentissime servent, ac peccatorum veniam humili contritoque corde efflagitent, et declinantes a malo, et facientes bonum per iustitiae semitas ambulent, et mutuam inter se caritatem continuam habeant, exerceant, atque ita cum Deo, cum semetipsis, et cum omnibus hominibus salutarem consequantur pacem. Nihil dubitamus, Venerabiles Fratres, quin pro perspecta vestra erga Nos et hanc Apostolicam Sedem observantia hisce Nostris desideriis ac votis quam diligentissime obsequi studeatis. Ut autem fideles ardentiori studio et uberiori fructu instent precibus per Vos statuendis, caelestium munerum thesauros, quorum dispensationem Nobis tradidit Altissimus, proferre et erogare censuimus. Quocirca iisdem íidelibus tercentum dierum Indulgentiam in forma Ecclesiae consueta concedimus toties lucrandam, quoties ipsi commemoratis precibus devote interfuerint, easque peregerint. Insuper, durante harum precationum tempore, eisdem íidelibus Plenariam largimur Indulgentiam semel tantum in mense eo die consequendam, quo ipsi sacramentali confessione rite expiati, sanctissimaque Eucharistia refecti aliquod templum religiose visitaverint, ibique pias ad Deum preces eumdem in finem effuderint. Denique nihil Nobis gratius quam hac etiam uti occasione, ut iterum testemur et coníirmemus praecipuam, qua Vos omnes, Venerabiles Fratres, prosequimur, benevolentiam. Cuius Nostrae in Vos studiosissimae voluntatis pignus quoque sit Apostolica Benedictio, quam ex intimo corde profectam Vobis ipsis, Venerabiles Fratres, cunctisque Clericis Laicisque íidelibus cuiusque vestrum fidei traditis peramanter impertimur. — Dátum Roinae apud Sanctum Petrum die 27. Április Anno 1859. Pontificatus Nostri Anno Decimotertio.